ХӨСҮТ-ийн Тандалт судалгааны албаны дарга А.Амбасэлмаа: Улсын хэмжээнд 15,202 хүний сорьцод шинжилгээ хийхэд 25 хүнээс коронавирус илэрснийг ХӨСҮТ-өөс мэдээллээ. Тусгаарлах байранд байсан хүмүүсийн давтан шинжилгээ, ойрын хавьтлуудаас илэрсэн. "X апартмент"-ийн 120 хүнд шинжилгээ хийхэд 4 хүнээс коронавирус илэрсэн. Мөн Улаанбаатар хотоос Дархан-Уул аймаг руу тээвэрлэлт хийж байсан жолоочоос ковид илэрсэн. Энэ хүн нэгдүгээр сарын 23-нд шинжилгээ өгсөн байсан. Харин нэгдүгээр сарын 27-нд пост дээр хяналтын шинжилгээ эерэг гарч, батлагдсан. Энэ хүнийг Улаанбаатарт авчирч эмчилж байна.