Монгол Улсын Ерөнхийлөгч Х.Баттулга эрүүл мэндийн салбарынханд төрийн дээд цол, одон, медаль хүртээв

Aдмин / Хууль

Монгол Улсын Ерөнхийлөгч Халтмаагийн Баттулга зарлиг гаргаж, эрүүл мэндийн салбарт олон жил үр бүтээлтэй ажилласан эмч, сувилагч, мэргэжилтнүүдэд төрийн дээд цол, одон, медаль хүртээлээ.

Монгол Улсын Ерөнхийлөгчийн зарлигийн дагуу шагнал гардуулах ёслолын үйл ажиллагаа өнөөдөр Төрийн Ёслол, хүндэтгэлийн Их танхимд болов.

МОНГОЛ УЛСЫН ЕРӨНХИЙЛӨГЧИЙН ЗАРЛИГТ:

“…Монгол Улсын эрүүл мэндийн салбарт олон жил үр бүтээлтэй ажилласан болон Монгол Улсад нүүрлэсэн цар тахлын голомтод амь нас эрүүл мэндээ үл хайрлан, эмчийн тангаргаа чанд сахин ажилласан дараах нэр бүхий эмч, сувилагч нарт Монгол Улсын гавьяат цол хүртээсүгэй” гэжээ.

МОНГОЛ УЛСЫН ХҮНИЙ ГАВЬЯАТ ЭМЧ ЦОЛЫГ:

Хэнтий аймгийн Биндэр сумын сум дундын эмнэлгийн эрхлэгч Дашжамцын Алтантуяа,

Улсын гуравдугаар төв эмнэлгийн их эмч Жамбалдоржийн Ариунаа,

Нийслэлийн Өргөө амаржих газрын их эмч Очирпүрэвийн Баянжаргал,

“Содмед” эх барих эмэгтэйчүүдийн эмнэлгийн их эмч Зундуйн Бямбаа,

Улсын нэгдүгээр төв эмнэлгийн мэс заслын их эмч Очирын Ганбат,

“Грандмед” эмнэлгийн зөвлөх их эмч Давгасүмбэрэлийн Гончигсүрэн,

Халдварт өвчин судлалын үндэсний төвийн Вирусологийн лабораторийн эрхлэгч Бадарчийн Дармаа,

Архангай аймгийн Нэгдсэн эмнэлгийн ахмад эмч Намжилын Жамган,

Гэмтэл согог судлалын үндэсний төвийн их эмч Дорлигийн Жаргалсайхан,

Хэнтий аймгийн Бор-Өндөр сумын нэгдсэн эмнэлгийн ахмад эмч Содномбалжирын Занаа,

“Мангут” эмнэлгийн ерөнхий эмч Үенхүүгийн Зуунай,

Улсын нэгдүгээр төв эмнэлгийн мэс заслын их эмч Цэдэн-Ишийн Ишдорж,

Эх хүүхдийн эрүүл мэндийн үндэсний төвийн их эмч Аацангийн Оюунчимэг,

Цэргийн төв эмнэлгийн ахмад эмч Батсуурийн Оюунцэцэг,

“Дангал” эмнэлгийн ерөнхий эмч Режавын Пашка,

Ач анагаах ухааны их сургуулийн тэнхимийн эрхлэгч Сугарын Пүрэвсүх,

Эмгэг судлалын үндэсний төвийн зөвлөх эмч Базарсадын Уранчимэг,

Халдварт өвчин судлалын үндэсний төвийн Эрчимт эмчилгээний тасгийн эрхлэгч Цэрэндоржийн Чинбаяр,

АШУҮИС-ийн багш Сандагийн Эрдэнэ,

Өмнөговь аймгийн Нэгдсэн эмнэлгийн ахмад эмч Бүдийн Эрдэнэбилэг,

Хавдар судлалын үндэсний төвийн мэс заслын эмч Янсангийн Эрдэнэ-Очир нарт тус тус хүртээлээ.

ЭРҮҮЛИЙГ ХАМГААЛАХЫН ГАВЬЯАТ АЖИЛТАН ЦОЛЫГ:

Говь-Алтай аймгийн Нэгдсэн эмнэлгийн мэс заслын сувилагч Догсомын Амаасүрэн,

Халдварт өвчин судлалын үндэсний төвийн ахмад эмч Амаржаргалын Амбасэлмаа,

Хавдар судлалын үндэсний төвийн сувилагч Доржийн Дуламсүрэн,

Дэлхийн эрүүл мэндийн байгууллагын бүсийн төлөөлөгч Замбалгаравын Жадамбаа,

Халдварт өвчин судлалын үндэсний төвийн Сүрьеэгийн клиникийн эрхлэгч Зоноровын Мягмаржав,

Эрүүл мэндийн удирдах ажилтны нийгэмлэгийн зөвлөх Лувсансамбуугийн Төмөрбаатар,

Гэмтэл согог судлалын үндэсний төвийн мэдээгүйжүүлэгч, сувилагч Рэнцэндоржийн Туяа,

Халдварт өвчин судлалын үндэсний төвийн сувилагч Батсүхийн Хандмаа,

Зоонозын өвчин судлалын үндэсний төвийн дарга Нямдоржийн Цогбадрах,

Эм хангамжийн байгууллагуудын холбооны тэргүүн Дашбалын Цэндээхүү,

Увс аймгийн Нэгдсэн эмнэлгийн мэс заслын сувилагч Цогтоогийн Энхтуяа нарт тус тус хүртээв.

ХӨДӨЛМӨРИЙН ГАВЬЯАНЫ УЛААН ТУГИЙН ОДОНГООР:

Гэмтэл согог судлалын үндэсний төвийн Насанд хүрэгчдийн гэмтэл согогийн зөвлөх эмч Өлзийнямын Өлзийбаатарыг шагналаа.

АЛТАН ГАДАС ОДОНГООР:

Нийслэлийн Шүд эрүү нүүрний төвийн сувилагч Буриадын Оюунчимэг,

Хавдар судлалын үндэсний төвийн халдвар судлаач, бага эмч Цэрэндоржийн Нансалмаа,

ЗӨСҮТ-ийн Тархвар судлагч эмч, зоонозын өвчин судлалын эмч Цэдэнгийн Отгонцэцэг,

Эх нярайн эмэгтэйчүүдийн үндэсний төвийн сувилагч Цэгмэдийн Оюун,

Баянгол дүүргийн Эрүүл мэндийн төвийн Лабораторийн тасгийн эрхлэгч Нямгаржавын Сарантуяа,

Арьс өвчин судлалын үндэсний төвийн сувилагч Шагдарын Оюунцэцэг,

Халдварт өвчин судлалын үндэсний төвийн халдвар судлагч, их эмч Даваахүүгийн Байгалмаа нарыг тус тус шагналаа.

ХӨДӨЛМӨРИЙН ХҮНДЭТ МЕДАЛИАР:

Эх, хүүхдийн эрүүл мэндийн үндэсний төвийн Хүүхдийн эмнэлгийн Яаралтай тусламжийн тасгийн сувилагч Цэгмидийн Болормаа,

Халдварт өвчин судлалын үндэсний төвийн Халдвартын клиникийн сэхээн амьдруулах эрчимт эмчилгээний тасгийн сувилагч Дондогийн Наранцэцэг,

Халдварт өвчин судлалын үндэсний төвийн нян судлалын лаборант Доржийн Отгонсүрэн,

Халдварт өвчин судлалын үндэсний төвийн Амбулаторийн тасгийн сувилагч Мягмаржавын Соёл-Эрдэнэ,

Улсын хоёрдугаар төв эмнэлгийн сувилагч Магсаржавын Мөнгөнтуяа нарыг тус тус шагналаа.

МОНГОЛ УЛСЫН ЕРӨНХИЙЛӨГЧ ХАЛТМААГИЙН БАТТУЛГА ШАГНАЛ ГАРДУУЛСНЫХАА ДАРАА:

“Эрхэм эмч, сувилагчид аа,

Ард иргэдийнхээ эрүүл энхийн манаачид, хамгаалагчид аа

Цар тахлын хүнд цаг үед Та бүхэн бие сэтгэл, ур чадвар, эрдэм оюунаа нийгмийн эрүүл энх, сайн сайхныг тогтоон барих, халдварыг дарах, хумих нэн хүчир ажлыг амжуулж, бэрхийг даван туулж байгааг Монголын ард түмэн харж, мэдэрч, дэмжиж байгаа. Өргөсөн тангарагтаа үнэнч байж, хэрээс хэтэрсэн хүнд ажлыг даван туулсныг тань үнэлэх, эх орон ард түмэндээ тууштай зүтгэснийг тань өргөмжлөн хүндэтгэх үүргээ миний бие хүлээж, өнөөдөр зарим эмч, сувилагч нарт төрийн дээд одон медаль, цол шагнах тухай зарлигийг буулгалаа.

Цар тахлын хүнд нөхцөлд ажиллаж, мятаршгүй их тэвчээр, зориг гарган манлайлан зүтгэгчдийн төлөөлөл болгож, Халдварт өвчин судлалын үндэсний төвийн Сэхээн амьдруулах тасгийн эрхлэгч, их эмч Цэрэндоржийн Чинбаяр, Вирусологийн лабораторийн эрхлэгч Бадарчийн Дармаа, Зоонозын өвчин судлалын үндэсний төвийн дарга Нямдоржийн Цогбадрах нарт Монгол Улсын Хүний гавьяат эмч, Эрүүлийг хамгаалахын гавьяат ажилтан цол хүртээж байна. Монголчууд, Монголын нийт иргэдийн нэрийн өмнөөс Та бүхэнд онцгойлон талархал дэвшүүлье. Баяр хүргэе!

Эрүүл мэндийн салбарт 50 шахам жил тасралтгүй ажилласан Архангай аймгийн нэгдсэн эмнэлгийн ахмад эмч Намжилын Жамган гуай, Хэнтий аймгийн Бор-Өндөр сумын нэгдсэн эмнэлгийн ахмад эмч Содномбалжирын Занаа гуай, Дэлхийн эрүүл мэндийн байгууллагын Зүүн өмнөд Азийн бүсийн орлогч захирал хүртэлх албан тушаалд олон жил эх орноо төлөөлөн ажилласан ахмад эмч Замбалгаравын Жадамбаа, Гэмтэл согог судлалын үндэсний төвийн мэс заслын эмч Дорлигийн Жаргалсайхан, “Грандмед” эмнэлгийн ерөнхий эмч Давгасүмбэрэлийн Гончигсүрэн нарт Монгол Улсын Хүний гавьяат эмч цол олгож байна.

Эрүүл мэндийн үйлчилгээ, сувилгаа, тусламжийг мэргэжлийн ур чадвар гарган үзүүлж байгаа Монголын нийт 13 мянга гаруй сувилагч бий. Тэдний төлөөлөл болгож, Говь-Алтай аймгийн нэгдсэн эмнэлгийн мэс заслын сувилагч Догсомын Амаасүрэн, Хавдар судлалын үндэсний төвийн сувилагч Доржийн Дуламсүрэн, Халдварт өвчин судлалын үндэсний төвийн сувилагч Батсүхийн Хандмаа, Гэмтэл согог судлалын үндэсний төвийн мэдээгүйжүүлэгийн сувилагч Рэнцэндоржийн Туяа, Увс аймгийн нэгдсэн эмнэлгийн мэс заслын сувилагч Цогтоогийн Энхтуяа нарт Монгол Улсын Эрүүлийг хамгаалахын гавьяат ажилтан цол хүртээлээ.

Нийгмийн эрүүл мэнд, эрүүл иргэн бол Монгол Улсын хамгийн үнэт баялаг юм. Эрүүл мэнд бол бүх зүйл. Тийм учраас нийтийн эрүүл мэндийг хамгаалах үйлсэд зүтгэж байгаа нийт эмч, сувилагч, асрагч, эрүүл мэндийн салбарын ажилтнуудад цар тахлын хүнд үеийг даван туулахад хүчин зүтгэл гаргаж, тангаргаа сахиж байгаад нь дахин дахин талархал илэрхийлье.

Улс орныхоо эрүүл мэндийн салбарын өнгө төрхийг тодорхойлж, ард иргэддээ мянган жаргалангийн үүд болсон эрүүл энхийг бэлэглэж байдаг Та бүхэндээ ажлын амжилт, аз жаргал, эрүүл энх, сайхан бүхнийг хүсэн ерөөе.

Мөнх тэнгэрийн хүчин дор монгол түмэн эрүүл энх, амар амгалан байх болтугай” гэлээ.


Сэтгэгдэл

Zochin [203.30.15.110] 2021-05-15 18:49:23

Turiin terguundee tsag yamagt hvndetgeltei handdag Mash ih bayarlaj bga hiij bvteeseniig n uramshuulah hiisen gawyag ni tur unelej ugch bga ym ternees bish tumur bnu tsaas bnu hamaa yu bna ene bol tumurunduu bishldee hiij bvteesendee huch hudulmur setgel zutgeld ugch bga turiin deed odon medali amid seruun deer ni hiij bvteesen Ahmad uedee uneleh turiin mine unelemj uguh n zvitei

MARSHIL.L.D.ERDENEBAT [66.181.178.12] 2021-05-15 01:21:13

MONGOL.ULCIN.YE.YEIN.ERONXILOGJIDOO.EX.OPON.ARD.TYMENTEIGEE.MONGOL.ULCIN.YNDCEN..XUULIN.DOOR.ARD.TYMENTEIGEE.CAIN.MUUGAA.OILGOZCOJ.ARD.TYMENDEE.OORCDIN.MEDLEG.JADBARAA.XUBAALZAN.TEDNI.AMIDRALIN.TOLOO.ZYREX.CETGEL.OIUN.UXAANAA.XARAMGYI.ZARZUULJ.CAIN.YEDEE.CAINAAR.MAGTUULJ.MUU.YEDEE.MUUGAAR.XELYYLJ.CURCAN.IX.EZEN.CHINGIC.XAANI.YR.XOIJ.BOLON.TORINXOO.DALBAAG.NAMIRUULJ.CYLDENDEE.ADICLAN.ARD.TYMENIXEE.TOLOO.XUULIG.CANAAJILAN.TED.BYGDIN.AXUI.AMIDRALIG.DEESHLYYLJ.JADAJ.BAICAN.TA.BYXENDEE.BAIARLLAA.ARD.TYMENI.XYY.BOLJ.TORJ.OCCON.MONGOL.GAZAR.NUTAG.TA.BYXENIG.IBEEX.BOLNO.ERONXILOGJ.BOLNO.GEDEG.XYN.BOLCNI.ERXEM.AZ.ZABSHAAN.AZTAI.EEJIN.AJLAL.AXUI.GERTEE.AABIN.AZ.XIMORIN.YR.AJ.GEDEGIG.ZAG.BYR.ODOR.BYR.JIL.BYR.BITGII.MARTAARAI.ARD.TYMEN.TAN.TA.BYGDIG.OGYYLEX.BOLNO.DURCAX.BOLNO.ULC.TOR.GEDEG..BOL.XATUU.TOGLOOM.SHIRYYN.ZAN.YIL.GEDEGIG.BAGA.BOLOBJ.BIDEE.AMCAJ.TOLGOIGOO.ZOBOOCON.BOL.ULC.TORIG.UUJLAARAI.UDAXGYI.UULZAJ.UDAAN.JARGAX.BOLNO.AGUU.IX.EZEN.CHINGIC.XAAN.MORG.BREMA.MARK

MARSHIL.L.D.ERDENEBAT [66.181.178.12] 2021-05-15 01:07:11

XYN.TORLOXTON.ULC.TOR.GEJ.IUG..NERLEX.BE.GEXEER.ALIBAA.ULC.ORNUUDINNAIRAMDALXAMTAIN.AILGAAG.ULC.TOR.GEJ.NERLNE.ER.N.DELXIN.ULC.ORNUUDIN.YYCEL.XOGJILIN.XAMGIN.TOM.COELTOI.XELBER.N.ULC.TORIN.COEL.AJEE.NIGEMIN.TYYXIG.ABJ.YZBEL.XYI.NEGDEL.BOOLIN.NIGEM.FEODALIN.NIGEM.COZIALICT.NIGEM.KAPITALICT.NIGEM.KOMMUNIZMIN.NIGEM.GEJ.ANGILDAGJ.BYX.NIGEM.KAPITAL.XORONGON.DEER..TOGTDOG.N.XYN.TORLIXTONI.BYX.NIGEMIN.ZORIN.GANZ.YNDEC.BAIDAG.BAINA.KAPITALIN.YNDCEN.XOSHYYRGE.N.ALT.MONGO.XORONGO.BAIDAG.N.EZCIN.YR.DYN.N.XOGJIL.BAIDAG.BAINA.KAPITALIN.ECREGG.NIGEM.N.NAZICT.NIGEM.BAIDAG.N.BYXENIG.UCTGAJ.UXRALT.XIDEG.ZORIN.GANZ.OIUN.UXAANI.TEG.ZOGCOLT.GEJ.OILGOX.XEREGTEI.BIDENI.YZEJ.ONGRYYLCEN.BYX.NIGEM.IREEDYIN.KOMUNIZMIN.NIGEM.N.DELXIN.TOGCGOLIN.YR.DYNG.TODORXOILDOG.OIUN.UXAANI.CANCAR.ERTONZIN.MATERIN.ZADRALIIN.CYIREL.BUIU.NIGEMIN.TOGCGOLIN.SHAT.GEJ.TODORXOILDOG.BAINA.DAANJ.XYN.TORLOXTON.BAIAN.IADUUGYI.ERTONZIN.EZCIN.XUBILBAR.N.MATREXSIN.XOGJILIN.MEDREXYIN.DEED.SHAT.N.DELXIN.BYX.ED.ZYILCYYD.XYNI.OIUN.UXAANTAI.BOLNO

иргэн [192.82.73.247] 2021-05-14 23:05:34

Шагнагсдад баяр хзргэе Амжилт хүсье.Хүний ариун цагаан хөдөлмөрийг үнэлж төрийн хүндэтгэл үзүүлж байгаа Ерөнхийлөгч болон эрүүлийг хамгаалах Яамны удирдлагуудыг бас дэмжиж байгаагаа илэрхийлж байна.Харин төрийн хүндэтгэлийг янз бүрээр муучилж, өөлж байгаа хүмүүст хандаж өөрсдийнх нь арга үгээр сэтгэгдлээ хэлэхэд: Сэтгэл нь зэвэрч, Ухаан нь гажуудан, атаархаж жөтөөрхөх,өөрийн охор,хар буруу санаандаа шаналан тэлчлэгчид.......гээд хүний муу муухай шинжийг биедээ тээсэн олиггүй амьтас байна доо та нар!!!!!

зочин [59.153.114.17] 2021-05-14 18:27:58

одоо ажлаа өгөхын хооронд муу ,муухайгаар яриад яахав дээ.тогтолцоон төмөр тараадаг зуршилтай юм дөө.төрийн тэргүүнд 4зүйлийн л ажил хийдэг юм бна.элчин томилох,шүүхийн шүүгч томилох,төмөр тараах, зарлиг аргах.ийм ажил хийдэг юм бна.ер ни тэгээд төрийн тэргүүний хэрэг ба уу.үгүйл юм шиг харагдаад бнаүүнийг сонгох гэж мөнгө,хөрөнгө,цаг хугацаа зарцуулж сонгуули явуулах тогтолцоо чини буруу юм шүү дээ.

Зочин [91.20.63.38] 2021-05-14 19:32:52

Тийм ээ. Зөндөө л төмөр тараалаа.

Зочин [66.181.160.29] 2021-05-14 18:12:21

энэ хүн монголын төриин түүхэнд хамгиин олон төмөр тараасан , хамгиин олон хуульд хориг тавьж бүтэлгүйтсэн гдгээрээ тодоор бичигдэн үлднээ үнэн бүтэлгүй новш төриин толгойд 4 н жил суужээ хөөрхии элбэгдорж энэнии хажууд мундаг ерөнхиилөгч бжээ

Зочин [202.179.21.221] 2021-05-14 16:46:44

хавтгайрсан олог гөвьяат. Хэнд хэрэгтэй юм. Өрхийн эрүүл мэнпийн төвийн эмч нарын 1д нь гавьяат цол өгчихгүй дэ?????Өргөө амаржих газрын Баянжаргал арайл эрт авчихлаа. Одоо энэ хүнээс хүлээх зүйл үгүй боллоо. Одоо тэгээд тэтгэвэртээ гардаа.

Зочин [103.26.195.209] 2021-05-14 16:12:06

Эмч сувилагч эмнэлгийн ажилтнуудыг шагнаж урамшуулах л хэрэгтэй,нүдээ олсон шагнал болжээ

Oogii [202.9.46.223] 2021-05-14 15:22:27

J. Ariunaa emchdee bayar xvrgej bna. 3 emneleg vnexeer sain bvx talaaraa ta nartaa bayarlaj yavdag sh vv.

Иргэн [192.82.80.3] 2021-05-14 14:55:23

Хөл хорио сулрангуут л баахан хүн бөөгнөрүүлээд шагнаад унах юм эсэргүүцлээ илэрхийлдэг юм уу яадаг юм хулгайч чинь

Зочин [66.181.161.30] 2021-05-14 18:00:27

Xiisen ajiltai, xelex vgtei xumuust awax yostoi shagnaliig n ogch bn. Chi ooro awagui yumu.

Иргэн [124.158.64.69] 2021-05-14 14:48:12

Бүгд 100 наслах болтугай !!

gg [192.82.69.123] 2021-05-14 14:45:41

Gants hiideg ajil n

zochin [43.228.129.40] 2021-05-14 14:39:53

NIit shagnagdsan bagsh emch suvilagch nartaa bayr hurgie


15 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
15 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.