ХОМ: Хамгийн, хамгийн

Aдмин / Хууль

АТГ-аас төрийн албан хаагчдын 2020 оны хөрөнгө орлогын мэдүүлгийн хураангуйг танилцуулав. Энэ удаа Төрийн гурван өндөрлөг болон УИХ-ын гишүүдийн ХОМ-ээс онцлон хүргэж байна.

Төрийн гурван өндөрлөгийн ХОМ

Ерөнхийлөгч У.Хүрэлсүх 2020 онд 182 сая төгрөгийн орлого олсон бол бусад хөрөнгө өмнөх оныхоос өөрчлөгдөөгүй байна. Тэрбээр нэг орон сууц, нэг зуслангийн байшинтай гэж мэдүүлсэн бөгөөд эдгээр нь 162 сая төгрөг, 284 сая төгрөгийн үнэлгээтэй. “lexus 570” загварын машин болон, “Harley devidson” мотоцикльтой, 100 сая төгрөгийн үнэлгээ бүхий 1.5 га газар эзэмшдэг. “Илт Хан” ХХК-ийн 58 хувийг эзэмшдэг гэжээ.

УИХ-ын дарга Г.Занданшатар 2019 онд 124 сая төгрөгийн орлоготой гэж мэдүүлж байсан бол 2020 онд 506 сая төгрөгийн орлого олжээ. Нэг орон сууц, нэг зуслангийн байшин, нэг үйлчилгээний талбайтай байна. Эдгээр нь нэг тэрбум 175 төгрөгийн үнэлгээтэй. Мөн 130 сая төгрөгийн үнэт эдлэл, 188 сая төгрөгийн хадгаламжтай. “Монголиан силикон валлей” компанийн 30 хувийг эзэмшдэг гэжээ.

Ерөнхий сайд Л.Оюун-Эрдэнэ 2016 онд УИХ-ын гишүүн болсноос хойш хөрөнгө орлогын мэдүүлгээ бөглөж эхэлсэн. 2016 онд түүний өөрийн орлого жилд 313 сая төгрөг байсан бол 2017-2018 онд буурч, 2019 онд 233 сая төгрөг болж өсчээ. Харин түүний гэр бүлийн жилийн орлого 9- 14 сая төгрөг болсон байна. 244 сая төгрөгийн нэг байр, 28 сая төгрөгийн машин, хурдан удмын таван адуутай. Тэрбээр мал аж ахуйгаа 114 сая төгрөгөөр үнэлжээ. Мөн 60 сая төгрөгийн үнэт эдлэл, 97 сая төгрөгийн хадгаламжтай. “Херо энтертэйнмэнт” группийн 50 хувь, “Хүлэг контент” 100 хувь эзэмшдэг байна.

Хамгийн өндөр хөрөнгө, орлоготой гишүүд

Энэ жагсаалтыг УИХ-ын гишүүн Д.Өнөрболор өнгөлөв. Сэлэнгэ аймгаас сонгогдсон тэрбээр 2020 онд 401 сая, гэр бүл нь 88.5 сая төгрөгийн орлого олжээ. 12 нийтийн орон сууц, үйлчилгээний зориулалттай таван барилга, гурван автозогсоол, өвөлжөө, хаваржаа, хүлэмж гэх мэт 16 байгууламж эзэмшдэг байна. Эдгээр үл хөдлөх хөрөнгүүдээ 18.4 тэрбум төгрөгөөр үнэлжээ. Мөн 392 сая төгрөгийн гурван авто машинтай. 150 сая төгрөгийн үнэт эдлэл, 7.5 тэрбум төгрөгийн хадгаламжтай бол 372 сая төгрөгийн зээлтэй. “СӨҮЛ” (таван хувь), “Зэндмэнэ хурх” (100 хувь), Энокси (100 хувь), “Роял виндөү” (80 хувь), “Эрдэс таван толгой” ХК-ийн нэг хувийг тус тус эзэмшдэг байна. Түүний араас хөрөнгө орлогоороо УИХ-ын гишүүн Л.Энх-Амгалан, С.Амарсайхан, Ц.Мөнх-Оргил, Ш.Адьшаа, Б.Дэлгэрсайхан, Ж.Ганбаатар, Ц.Анандбазар, О.Цогтгэрэл нар жагсаж байна.

Хамгийн өндөр орлого олсон гишүүд

Энэ жагсаалтыг УИХ-ын гишүүн Л.Энх-Амгалан тэргүүлж байна. Тэрбээр 2020 онд 8.3 тэрбум төгрөгийн орлого олжээ. Түүний араас УИХ-ын гишүүн Б.Дэлгэрсайхан 5.5 тэрбум төгрөг, Б.Чойжилсүрэн таван тэрбум төгрөг, Ш.Адьшаа 4.5 тэрбум төгрөг, С.Амарсайхан 1.8 тэрбум, Н.Учрал 961 сая төгрөг, А.Адъяасүрэн 823 сая төгрөгийн орлоготой хэмээн мэдүүлсэн байна.

Ж.Ганбаатар хамгийн өндөр хадгаламжтай

Хамгийн өндөр хадгаламжтай гишүүнээр Ж.Ганбаатар нэрлэгдэж байна. Тэрбээр 8.9 тэрбум төгрөгийн хадгаламжтай хэмээн мэдүүлжээ. Түүний араас Д.Өнөрболор 7.5 тэрбум төгрөг, Ц.Мөнх-Оргил 6.4 тэрбум төгрөг, Б.Дэлгэрсайхан 2.2 тэрбум төгрөг, Н.Учрал 1.7 тэрбум төгрөг, Ш.Адьшаа 1.3 тэрбум төгрөгийн хадгаламжтай хэмээн мэдүүлээд байна.

Эх сурвалж: “Зууны мэдээ” сонин


Сэтгэгдэл

зочин [124.44.184.129] 2021-07-20 22:48:23

Зарим улс төрчдийн буюу төрийн 3 өндөрлөгийн орлогын эх үүсвэр нь юу вэ? Хэрхэн яаж тэрбумтан, саятан болсон туршлагаа ард иргэддээ хэлж өгвөл ард иргэд бүгдээрээ баян тэрбумтан болчих юм биш биз дээ? Туршлагаа хуваалцаач ээ. Иргэн баян бол улс баян. Гэтэл Монгол улс нэн ядуу буурай орон гэгддэг үү? алгаа тосдог уу? өр зээл тавьдаг уу?

Зочин [202.126.89.71] 2021-07-20 11:25:02

Монголын жирийн л амьдралтай хүмүүс байна. Ардын мөнгө ч хаа нэгтээ байж л байгаа.

Зочин [69.250.15.186] 2021-07-20 09:42:31

КОРОНА ГЭЭД АРД ТҮМЭН МОДОО БАРЬЖ ХООСОРЧ БАЙХАД УЛС ТӨРЧИД НЬ ХАГАРТЛАА БАЯЖИЖ БАЙДАГ⁉️

Яасан бага юм бэ . [64.119.18.9] 2021-07-20 09:40:45

Наад мөнгө чинь маш бага тоо байнаа . Сая доллар буюу 3 тэрбум төгрөгөөр л нэг муу машин Хурдан морь адуу авдаг зардаг шүү дээ .

Зочин [202.126.89.119] 2021-07-20 09:19:58

Шалдан төрчихөөд , хусаж өгдөг үлээдэг бөмбөлгүүд ,. Газар шороотой маань л үлдээгээсээ ,., Д .Сүхбаатар , Самбуу , Х, Чойбалсан , Ю , Цэдэнбал , Мөнхбат гэсэн удирдагч нар бүгд идэж ,баяжихаасаа өмнө , эх орон ард түмнийхээ төлөө өвөг дээдсийнхээ хүслийг биелүүлж байсан . .П . Очирбатаас эхлээд , У .Хүрэлсүх хүртэл ёстой өвөгдийн ясыг өндөлзүүлж , хараалыг идэж байна даа . Юун хөрөнгө ...

Зочин [103.80.210.183] 2021-07-20 17:14:41

мэдсээр байж шороонд доор оруулаад боло шүү дээ. богд уулыг сэглэсэн хүмүүсийг тэнгэр ниргэг

Зочин [103.229.120.245] 2021-07-20 09:14:32

Хүрэлсүхийн хадгаламж хаачив


7 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
7 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.