Засаг төр "гурав дахь тун"-д уриад л бид гэдийгээд л...

Aдмин / Эрүүл мэнд

Америкийн Ерөнхийлөгч Жо Байдены засаг захиргаа COVID-19-ийн вакцины нэмэлт тунд “Pfizer” хийх зөвшөөрлийг сарын өмнө олгосон. Үүнийхээ дараа Жо Байден Цагаан ордонд сэтгүүлчдийг цуглуулж байгаад, нэмэлт тун тариулжээ. Тэр үеэрээ "...Нэмэлт тун чухал хэдий ч бидний хувьд эхний тунд олон хүнийг хамруулах нь хамгийн чухал байна” гэсэн байна.
Энэ юуг хэлээд байна вэ гэхээр Америк улс ингэж иргэддээ COVID-ийн гурав дахь тунг "санал болгож" буй ч эхний тунгийн явц нь тийм ч сайнгүй байгаа ажээ. Харин манайд хоёр тунгийн вакцинжуулалт өндөр хувьтай явчихсан. 2021 оны хоёрдугаар сарын 23-наас вакцинжуулалтыг эхлүүлсэн. Өнөөдөр нийт хүн амын 65.6 хувь хоёр буюу бүрэн тунд хамрагдсан. Booster shot буюу гурав дахь тунд 360 гаруй мянган хүн хамрагдаад байгаа юм. Гэхдээ энэхүү дархлаа сэргээх гурав дахь тунд хамрагдах байдал тааруухан байгаа юм.Ер нь бол booster shot буюу гурав дахь тун бидэнд маш чухал. Товчхон хэлэхэд, дархлааны системийг дахин нэг удаа дэмжиж, вирусээс идэвхтэй хамгаалах ач холбогдолтой.
Тэгээд ч COVID-19-ийн шинэ төрлийн вирусээс бүрэн хамгаалахын тулд хоёроос дээш удаа, эсвэл тогтмол вакцинд хамрагддаг болох ч магадлалтайг судлаачид хэлж байна. Тиймээс Засгийн газар 2.6 сая тун вакцины нөөц бүрдүүлжээ.
Тэгээд хэдийгээр гурав дахь тун вакцинд иргэд сайн дураар хамрагдах ч ЭМЯ, эмч, эмнэлгийн ажилтнууд дуудлагаар, явуулаар ч вакцинжуулж буй аж.
Ингэсэн ч тааруу байгаа учир Ерөнхий сайд Л.Оюун-Эрдэнэ долоо хоногийн өмнө УИХ-ын чуулганд үг хэлэхдээ "... Иргэд Та бүхэн нэмэлт гуравдугаар тундаа сонголттойгоор хамрагдан, эрүүл мэндээ хамгаалж, эдийн засгаа сэргээх үйлсэд хувь нэмрээ оруулахыг Монгол Улсын Ерөнхий сайдын хувьд хичээнгүйлэн гуйж байна" гэж байх юм.
Бас Эрүүл мэндийн сайд С.Энхболд уржигдар "...ЭМЯ цаашид иргэд дархлаа сэргээх буюу гуравдугаар тундаа идэвхтэй хамрагдаж чадвал аливаа нэгэн хөл хорио, хязгаарлалтын арга хэмжээ авахыг дэмжихгүй.
Удахгүй болох шинэ жил, цаашлаад цагаан сараар бүх бизнесүүд нь нээлттэй байя, иргэд нь баярлая, аж ахуйн нэгжүүд нь орлоготой байя" гэж байгааг сонслоо. Засаг төр ингэж "гурав дахь тун"-д уриад л, бид гэдийгээд л...
Б.Очир
Эх сурвалж: "Зууны мэдээ" сонин


Сэтгэгдэл

Зочин [122.201.31.43] 2021-10-23 11:06:32

маск 2 жил гаран зүүгээд хамар битүүрээд хуурайшаад байдаг болчлоо хэдийгээр ковидоос хамгаална гэж байгаа боловч бас хамрын эсрэг харшил өгөөд байна яавал зүгээр үү

zochin [202.179.25.252] 2021-10-22 08:17:00

hyatad vakcinaas bolood itgel aldarsandaa.

amjsangui dee [192.82.82.200] 2021-10-22 04:50:34

3dah tungaa hiilgej amjaagui kovid tussan huumuus ni hiilgej boloh yumuu

Зочин [202.21.109.55] 2021-10-22 04:20:11

Вакцин хийлгэсээр байгаад залхаж байна.Ямар ч вакцин хийлгээгүй хүн ковидтой хүнтэй хамт байсан ч ковид хүрээгүй ,шинжилгээ эрүүл гарсан гээд ажлаа хийгээд явж байна.Вакцин хийлгэсэн нь вакцины шинж тэмдэг өгч их ядрах юм байна.Яах ёстой юм бэ?

Зочин [66.181.191.156] 2021-10-22 02:20:19

Бараг бүгд л ковид туслаа. Ковид туссанаас хойш хэдэн сарын дараа хийлгэх талаар мэдээлэл өгөөч

Зочин [69.250.15.186] 2021-10-22 02:45:20

3 - 6 САР

Зочин [202.9.46.243] 2021-10-22 02:08:40

Модерна хийж бгам уу?

Зочин [103.80.210.183] 2021-10-22 09:22:23

байхгүй ээ

Зочин [195.46.106.44] 2021-10-22 01:55:38

Зарим газар гуйгаад ч олдохгүй байхад Орос манай 2 гэж толгой нь хамуурчихсан улсууд байнаа. Өвдөөд хавдаад унахаараа үхлээ хатлаа авраарай туслаарай төр засаг харсангүй тоосонгүй гээд элиийрээд балайраад унана шүү.

Зочин [103.10.22.54] 2021-10-22 01:08:18

гүрийгээд байх юм байхгүй ихэнх нь ковид туссан биз

Зочин [103.80.210.183] 2021-10-22 09:23:06

зарим нь туссанаа ч мэдээгүй нус шүлсэндээ хутгалдаад өнгөрсөн.


11 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
11 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.