Монгол улсад хавдрын өвчлөл нэмэгдсээр байгаад үнэхээр сэтгэл эмзэглэж байна. Хорт хавдраар өвдсөнийхөө дараа биш, харин өвдөхөөсөө өмнө эмчид хандаж, цаг ямагт урьдчилан сэргийлэх эрт илрүүлгийн үзлэгт орох нь эрсдлийг бууруулах юм.

Энэхүү аяны хүрээнд Баянгол дүүргийн иргэдэд урьдчилан сэргийлэх мэдээлэл, сургалтыг зохион байгууллаа. Мөн хорт хавдрыг эрт үед нь илрүүлэх үзлэг оношилгоог үе шаттайгаар эхлүүлэхээр бэлтгэж байна. Ингэснээр эмнэлгийн тусламж үйлчилгээг иргэдэд ойртуулж, цаг, мөнгийг нь хэмнэж, болзошгүй эрсдэлээс хамгаалсан жишиг ажил болно гэдэгт итгэж байна.

Хайртай дотны хүмүүстэйгээ урт удаан хугацаанд хамт байх нь аяны маань зорилго билээ.