Цагдаагийн байгууллагад 7 дугаар сарын 31-ний өдөр "Хэнтий аймгийн Гүрмийн нуурт хүүхэд живчихлээ” гэсэн дуудлага бүртгэгджээ. Энэ мэдээллийн дагуу шалгахад 4-5 насны хоёр хүүхэд нуурын усанд хийлдэг гудастай хөвж байх үед гудас хөмөрч, 4 настай эмэгтэй хүүхэд усанд живэн амиа алдаж, 5 настай эмэгтэй хүүхдийг Онцгой байдлын алба хаагчидтай хамтран уснаас татан гаргаж амийг нь аварсан байна.

Дээрх хэрэгтэй холбогдуулан эцэг эх, асран хамгаалагчдыг бага насны хүүхдийг гол, ус, нуурт харгалзах хүнгүйгээр оруулахгүй байх, гол усны үер, болзошгүй осол, эрсдэлийн талаар мэдээлэлтэй байх, зориулалтын бус хийлдэг гудас, хөвөгч зэргийг хэрэглэхгүй байхыг цагдаагийн байгууллагаас анхаарууллаа.