Ховд аймгийн цагдаагийн хэлтсийн алба хаагчид энэ оны 08 дугаар сарын 21-нд Цэцэг сумын нутаг дэвсгэрт байрлах хүнсний дэлгүүрт 51 ширхэг тарвагыг хууль бусаар агнаж, хадгалсан байсныг илрүүлэн шалгаж байна.

Байгаль орчин, аялал жуулчлалын сайдын 2021 оны 193 дугаар тушаалаар Монгол орны тарваганы тоо толгой, тархац нутаг, халдварт өвчний голомт нутгийг тогтоох, тарваган тахал өвчнөөс урьдчилан сэргийлж, иргэдийн эрүүл аюулгүй байдлыг хангах зорилгоор тарвагыг ахуйн болон үйлдвэрлэлийн зориулалтаар агнахыг Монгол орны хэмжээнд 3 жилийн хугацаатай хориглосон.