Х.Баттулга Ерөнхийлөгчид зориулан түүнийг дахин нэр дэвшүүлэхгүй байх бүх тохироог намын даалгавраар гарамгай гүйцэтгэсэн Цэцийн бузар гар төрөө дахин бузартууллаа. Уншигч танд эргэн сануулбал, Монгол Улсын Үндсэн хуулийн Цэцийн 2021 оны дөрөвдүгээр сарын 16-ны өдрийн дунд суудлын хуралдаанаар Монгол Улсын Ерөнхийлөгчийн сонгуулийн тухай хуулийн гуравдугаар зүйлийн 3.1.2 дахь заалт, 5 дугаар зүйлийн 5.4, 5.6, 26 дугаар зүйлийн 26.2 дахь хэсэг тус тус Монгол Улсын Үндсэн хуулийн холбогдох заалтыг зөрчсөн эсэх маргааныг хянан хэлэлцэж хоёрдугаар дүгнэлт гаргалаа.

Энэ дүгнэлтээр тус хуулийн гуравдугаар зүйлийн 3.1.2 дахь заалт болон 5 дугаар зүйлийн 5.4 дэх хэсгийн зарим заалт Үндсэн хуулийн холбогдох заалтыг зөрчсөн гэж үзэж мөн өдрөөс түдгэлзүүллээ. Харин хуулийн тавдугаар зүйлийн 5.6, 26 дугаар зүйлийн 26.2 дахь хэсгийг Үндсэн хуулийн холбогдох заалтыг зөрчөөгүй хэмээн шийдвэрлэсэн талаар Үндсэн хуулийн Цэцээс мэдээлсэн. Мөн Монгол Улсын Үндсэн хуулийн Цэцийн дунд суудлын хуралдаанаар Монгол Улсын Ерөнхийлөгчийн сонгуулийн тухай хуулийн зарим заалт нь Үндсэн хуулийг зөрчсөн гэсэн дүгнэлт гаргажээ. Өмнө нь Ерөнхийлөгчөөр ажиллаж байсан болон одоо Ерөнхийлөгчөөр ажиллаж байгаа хүмүүс Ерөнхийлөгчийн сонгуульд дахин нэр дэвших эрхгүйг тусгайлан зааж өгөөгүй нь Үндсэн хууль зөрчсөн гэж үзсэн юм. Ингэснээр Ерөнхийлөгч Х.Баттулга дахин нэр дэвших эрхгүй гэж Үндсэн хуулийн Цэцийн дунд суудлын хуралдаанаас дүгнэсэн нь Х.Баттулгыг унагах гэсэн зөвхөн түүнд зориулсан заалт байв.
Дунд суудлын хуралдааны шийдвэрийг УИХ хүлээж авснаар хүчин төгөлдөр болсон. Ингэж л ҮХЦэц тусгайлан хүнд зориулан 2021 онд хамгийн том луйвардалт, хамгийн том завхарлаа эхлүүлсэн юм. Харин өнөөдөр нэгхэн жилийн дараа төрийнхөө эсрэг ард түмний эсрэг бүр ч том алдаа гаргалаа. Ийм цэц ийм захиалгат улс төрийн зарц нарыг Цэцийн танхимаас хөөж гаргах ч багадна. Үндсэндээ Цэцийн гишүүд үйлийн үрээ эдлэх цаг болсон, үйлийн үрээ эдлэх цаг ирнэ. Л.Түдэв гуайн "Хамгийн муу муухай хүмүүс өөрсдийнх нь толгой дээр өтгөн шингэнээ асгаж байхад тоодоггүй ард түмэнд надад хэлэх үг байхгүй" гэсэн байдаг. Энэ хүмүүс ард түмнийхээ дээрээс өтгөн шингэнээ МАН-ын сайд болохыг хүссэн шуналтнуудын заавраар асгалаа. Ийм дархлаагүй төр байхад энэ улсын тусгаар тогтнол, иргэдийн эрхийн талаар яриад ч хэрэггүй аж.
МАН-н захиалгаар Үндсэн хуулийн цэцийн энэ хүмүүс Төрийн эрхийг хууль бусаар авах нөхцлийг Их суудлын хуралдаанаараа бүрдүүлсэн. Үйлийн үр нь ирэхийн цагт бултах газар байдаггүйг цэцийн гишүүдэд дахин нэг сануулая.