Монгол иргэдийн визийн нөхцөлийг хөнгөвчлөх, хэтдээ визгүй зорчих чиглэлд онцгой анхаарч хамтарсан Ажлын хэсэг гаргахаар тохиролцлоо
Монгол Улсын Ерөнхий сайд Л.Оюун-Эрдэнэ манай улсад албан ёсны айлчлал хийж буй БНСУ-ын Гадаад хэргийн сайд Пак Жин тэргүүтэй төлөөлөгчдийг 2022 оны 8 дугаар сарын 29-ний өдөр хүлээн авч уулзлаа.
Пак Жин сайдын айлчлал Монгол Улс, БНСУ-ын Стратегийн түншлэлийн харилцааг бэхжүүлж, хамтын ажиллагааны шинэ хуудас нээхэд үнэтэй хувь нэмэр оруулна гэдэгт итгэлтэй байгаагаа Ерөнхий сайд уулзалтын эхэнд илэрхийллээ.
Мөн “Шинэ сэргэлтийн бодлого”-ыг БНСУ-ын Засгийн газрын бодлоготой уялдуулан тээвэр, логистик, эрчим хүч, байгаль орчин, дэд бүтцийн чиглэлээр Солонгосын хөрөнгө оруулалтыг татах, ноу-хау, дэвшилтэт технологийг нэвтрүүлэх, томоохон төсөл, хөтөлбөрийг хамтран хэрэгжүүлэх, хоёр улсын хооронд нислэг үйлдэх агаарын тээврийн үйл ажиллагааг дэмжих, карго тээврийг эрчимжүүлэхэд хоёр тал үргэлжлүүлэн хамтран ажиллана гэдэгт итгэлтэй байгаагаа илэрхийллээ.
Монгол Улсад аялал жуулчлалаар зорчих БНСУ-ын иргэдийг визийн нөхцөлөөс чөлөөлөх шийдвэрийг Монгол Улсын Засгийн газраас гаргаж, Солонгосын жуулчдын урсгалыг нэмэгдүүлэх таатай нөхцөлийг бүрдүүлсэн. Хоёр улсын иргэд харилцан адил байх зарчмын үүднээс монгол иргэдэд мөн визийн хөнгөлөлт үзүүлэх, БНСУ-ын цахим виз олгох жагсаалтад Монгол Улсыг хамруулах, хэтдээ хоёр улсын иргэд харилцан визгүй зорчих нөхцөлийг бүрдүүлэх талаар нааштай судалж хамтран ажиллана гэдэгт итгэлтэй байгаа Ерөнхий сайд онцолж хэллээ. Уулзалтын үеэр монгол иргэдийг БНСУ-д визгүй зорчуулах асуудлаар хоёр тал хамтран судалж, визний нөхцөлийг хөнгөвчлөх, хэтдээ харилцан визгүй зорчих чиглэлд онцгойлон анхаарч, хамтран судалж Ажлын хэсэг гаргахаар тохиролцов.
БНСУ-ын Гадаад хэргийн сайд Пак Жин, Монгол Улсын Ази Номхон далайн эдийн засгийн хамтын ажиллагааны байгууллага (AПЕК)-д элсэх, Зүүн Азийн дээд түвшний уулзалтад оролцогч улс болох саналыг дэмжихээ илэрхийллээ. Мөн газрын ховор элемент, хагас дамжуулагчийн түүхий эд нийлүүлэхэд Монгол Улстай хамтран ажиллах сонирхлоо илэрхийлж, Газрын ховор элементийн хамтарсан судалгааны төв байгуулахад БНСУ-аас буцалтгүй тусламж олгохоо илэрхийллээ. Хөшигийн хөндийд шинэ хот, эдийн засгийн чөлөөт бий болгох Монгол Улсын Засгийн газрын бодлогын хүрээнд “Шинэ зуун мод" хотын хөгжүүлэлт төслийг хэрэгжүүлэх болсныг БНСУ-ын Гадаад хэргийн сайд тэмдэглэн хэллээ.
.jpg)
Сэтгэгдэл
Цэрэннадмид [202.55.188.122] 2022-08-30 11:29:16
Төр засгын удирдлагууд,ГХЯ-хан хэдэн жил судалдаг юм бэ?Ард түмнийхаа амыг судлаж байна гээд хаачих юм.Та нарыг ажлаа хийж байна гэж би л дүгнэхгүй юм байна.Өөр улс орны өндөрлөгүүд ард олондоо ашигтай яавал амьдрал нь хангалуун болох гарц зам болгоныг нээгээд өгч чадаж байна.Манай төр засгынхан зөвхөн өөрсддөө ашигтай хувилбар гарцыг л гаргаж байна шүү дээ.Ахмадуудынхаа тэтгэвэрийг ч хангалттай нэмж чадахгүй байж хаашаа ч гарах боломжгүй эх оронд нь хашчихсан л байна шүү дээ.Чадал байвал нэмж өгч чадахгүй байгаа мөнгийг өөрсдийн чадлаар олгэлдээ.Эрхийг нь эдлүүлээч.Төрийн ордон,ГХЯ-гээд л байшин дүүрэн хүмүүс олигтойхон санал санаачлага гаргаад үр бүтээлтэй ажиллаж болдоггүй юмуу.Найр наадам баяр цэнгүүн гэхээр уургын морь шиг зан битгий гаргаж байгаач.Ард түмэн минь хангалуун ,амар түвшин амьдарч байвал бидний ядрах юу ч биш шүү дээ гэсэн сэтгэлээр төрийн албанд ажиллаж байгаа албан хаагчид ажилмаар байна.Ард түмнийхээ төлөө бүхнийг хийвэл хариу нь ч тэр хэмжээгээр очино шүү дээ.
Irgen [91.86.153.41] 2022-08-29 21:37:50
Bizgui geed hereggui umaar humuus huuraad uls ornoo ood ne tatahgui baij solongos ruu or tavij joohon zugaalah arga olj ogoh gej bgaa boltoi. Ajil hiihgui demii teneh bas neg um gargah gej. Solongoschuud bol hiideg umaa hiigeed odoo zugaalah bolomjtoi bolson uls. Mongol jiriin humuust tegj zugaalah mongo ch baihgui .
иргэн [59.153.113.60] 2022-08-29 10:07:39
Эх орондо сайхан амьруулах байтал Гадгашаа бизгүй явуулах гээд үзээд байх юм!!!!!!!!Тэр дорхи нь ахмадын Тэтгэвэрийг нь олигтой зохицуулаад өгчих !!!!!! Тэгвэл сайханёстой биз гүй амраад явахсан .!!!!!!Даанч өөрдөө баяжиж ардаа ядууруу луйвардав !!!!!!!!!зайлуул!!!!!!!