Нийслэл дэх Захиргааны хэргийн анхан шатны шүүхээс 2020-2022 онд Шударга өрсөлдөөн, хэрэглэгчийн төлөө газрын шийдвэр болон улсын байцаагчийн торгууль оногдуулсан шийтгэлийн хуудсыг хүчингүй болгуулах нэхэмжлэлийн шаардлага бүхий нийт 60 захиргааны хэрэг үүсгэжээ. Үүнээс өнөөдөр /2022.10.05/-ийн байдлаар 29 хэрэг шийдвэрлэгдэж, 12 хэрэг түдгэлзсэн, 19 хэрэг хянан шийдвэрлэх ажиллагааны шатанд байна.

Шүүхээс эцэслэн шийдвэрлэгдсэн 29 захиргааны хэргээс 370.6 сая төгрөгийн торгох шийтгэл, хууль бусаар олсон орлого хураах албадлагын арга хэмжээнд холбогдох 19 захиргааны хэрэг, тус газрын тогтоол, шийдвэрийг хүчингүй болгуулах нэхэмжлэлийн шаардлага бүхий зургаан захиргааны хэрэг ШӨХТГ-ын талд шийдвэрлэгдсэн байна.

ШӨХТГ-аас энэ онд 31 аж ахуй эрхлэгчид нийт 372.9 сая төгрөгийн торгууль оногдуулсан байна. Үүнээс 230 сая төгрөгийн торгох шийтгэл оногдуулсан шийдвэрүүдийг хүчингүй болгуулах нэхэмжлэлийн шаардлага бүхий 13 захиргааны хэрэг шүүхэд хянан хэлэлцэгдэж байна.