Монголын нийгэм улс төр тэр чигтээ хошин шог.

Ерөнхий сайд нь ажлаа өгөхдөө, төрөхөөс тавчиктай хүүхэн гаргаад том сенсаци үүснэ. Тэгээд л огцорно. Гадаа үүссэн жагсаалын гэмгүй хэн нэгэн рүү бухчихна.

Нийгэмд эрх баригчидтэй, мөнгөтэй бүлэглэлтэй холбоотой сөрөг мэдээлэл гарлаа... Ард түмний үзэн ядалт дээд цэгтээ хүрэхээс өмнө дараагийн сенсацийг үүсгэж үлээж эхэлнэ. Энэ ердөө монголын сошиаль орчин түүгээр төрийн бодлого явдаг болсон харанхуй бүдүүлэг жишээ, бодит байдал. Ч овогтой М гэх эмэгтэй БЗД-ийн нутаг дэвсгэрт LAND -200 автомашинаар 7 машин мөргөж, 2 хүүхэд дайрсан ноцтой гэмт хэрэг осол гараад байхад л энэхүү мэдээллийг дарах гэсэн шш гэнэт хошин шогийнхон яамны төрийн нарийн бичгийн даргыг огцруулахаар жагсаал хийх шахуу юм болов.

Монголын эрх баригчид нэн чадамгай хийдэг ганц зүйл нь ноцтой гэмт хэрэг, шударга бус, аюултай нийгмийг цочроосон эрх мэдлийг нь ганхуулж мэдэх асуудлуудыг өөр нэг “зохиомол” сенсацаар дардаг хуучирсан болхи улс төрийн арга.

Уг нь ой санамж арчих энэ технологи сонгуулийн үед нэг нэр дэвшигч нөгөөгөө мартагнуулах гэж албаар зохион байгуулдаг улс төрийн тоглоом боловч монголын төр нийт иргэддээ байнга туршиж иргэдийн шударга ёсны шаардлага, эрүүл оюун санааг төрийн аппарат, их мөнгөний шуурганд автуулан лужир том хүчээр няц дарсаар удлаа. Социологич ажиглагч нар үүнийг дүгнэхдээ нэр хүнд, арга чадал нь барагдсан намын улс төрд тэсч үлдэх гэсэн сүүлчийн мэх төдий. Хэрвээ энэ байдлаар удвал Монгол улсын тусгаар тогтнол, бүрэн эрхт байдал, үндэсний аюулгүй байдалд ноцтой хохирол учирна.

Эдийн засаг, нийгмийн амин чухал асуудлууд улс төрийн бохир тоглоомноос ангижирч чадахгүй нийгэм тэр чигээрээ саажих маягийн өвчлөлд өртлөө. Үүнийг эрх баригч нар “арчих” технологи буюу ард түмнээ загасны ой санамжтай байлгах санаархал гэх.

Монголчуудын уугуул хэллэгээр дээдэх нь суудлаа олохгүй бол доодох нь гүйдлээ олохгүй удаж, ууж идэхдээ уургын морь шиг урагш давшихдаа ургаа хад шиг болсон улс төрчдийн залхуу хойрго, хулгайн дон шүүгэлсэн завхралын үр нөлөө нь нийт ард түмний язгуур эрх ашиг хохирч, эдийн засгийн үзүүлэлтүүд өндийхгүй, нийгмийн бүх давхрагад харанхуй хөшиг татаж, монголын олон улс, дэлхий дахины нэр хүнд шалаар нэг унаснаар хэлэн мянган жилийн түүхтэй Азийн чээжин дэх Монгол улс, бидний үр хүүхдүүдийн ирээдүй тодорхойгүй боллоо.

Эцэст н арга нь барагдаад ирэхээр хошин шогийн жүжигчид хөлсөлж нийгмийн шаардлагуудыг няцаах бүдүүлэг арга дэндүү басамжлах өнгө аястайг дахин сануулмаар. Монголчуудын ой санамж түүхийн турш тун сэргэг, гүн холч байв.