Сэтгэл зүй, нийгэм судлаачдын үзэж буйгаар ядуурал хомдсол хүний ухамсарт шууд сөрөгөөр нөлөөлдөг ба гэмт хэргийн гаралт нэмэгдэх суурь шалтгаан бодог байна. Ядуурал, зэрлэгшил хоёрын шалтгаан нь баялгийн шударга бус хуваарилалт, улс төрчдийн явцуу ашиг сонирхол авилгалын хорт үр дагавар гэх мэт нийгмийн шинжтэй.

Харин ядуурал бол эдийн засгийн хүрээнд үнийн өсөлт жил дараалан буурахгүй удсанаар харилцан алдагдал, эрсэдэлээ нөхөх, сэргээх чадваргүй эдийн засгийн уналтаас хамаарсан өргөн хэрэглээний барааны хомсдол үнэ ханш огцом өсөхөөс үүдэн иргэдийн худалдан авах чадвар асар муудаж улмаар банкны хамааралтай, зээлийн бүтэцтэй эдийн засаг дефолт зарлахад хүрэхийг хэлдэг. Дагаад хүн амын дундах соён гэгээрэл, ёс суртахууны хэм хэмжээ алдагдаж, хэрцгийлэл газар авахад хүргэх талтай.

Хяналт, хуулийн үйлчлэл эрх зүйн нөлөөлөл суларах үед нийгмийн айдас туйлдаа хүрэх, гэмт хэрэг үйлдэх сэдэлжих, сэтгэлгээний хөгжил зогсонг байдалд орох, хүн амын дийлэнх нь өнөө маргаашаа аргацаахаас үүдсэн хүүхэд залуусын уламжлал, эх оронч сэтгэл мартагдах зэрэг олон ноцтой аюул дагуулж байдаг ажээ.

Ядуурал ба эмзэг байдал” нэртэй судалгаанд Ядуус байгалийн, улс төрийн гээд янз бүрийн эрсдэлд хамгийн их өртөмтгий, мөн тэдэнд эрсдлийг даван туулах арга хэрэгсэл тун бага байдаг.

Нийгмийн бусад бүлэгтэй харьцуулахад аливаа шок ядуусын амьжиргаанд хамгийн их сөрөг нөлөөг үзүүлдэг тул хамгийн эмзэг бүлэгт тооцогддог. Иймээс, ядуурлыг бууруулах асуудлыг гол зорилгоо болгож буй нөхцөлд төрийн бодлого ядуу болох нь аль хэдийн тодорхой бүлэгт чиглэж, ядуурлыг бууруулахад чиглээд зогсохгүй, ядуурч мэдэх, мөн ядуурлынх нь түвшин улам гүнзгийрч мэдэх бүлгийг дэмжин тусалж, ядуурлаас сэргийлэх, өөрөөр хэлбэл янз бүрийн шокын нөлөөгөөр ядууралд өртөж мэдэх эмзэг хэсгийг хамгаалахад чиглэх нь зүйтэй.