Финландын Аалто их сургуулийн эрдэмтэд архины донтолтын эсрэг “Hento Touch” бугуйвч бүтээжээ. “Ruetir” хэвлэлд мэдээлснээр, “Hento Touch” бугуйвчийг зүүснээр арьсанд зөөлөн хүрч, илж байгаа мэдрэмж авдаг ба ингэснээр дофамин, окситоцин гэх даавар ялгардаг байна. Эдгээр даавар нь хүний стрессийн түвшнийг бууруулдаг байна. Аалто их сургуулийн эрдэмтэд стресс нь архинд донтуулах гол шалтгааны нэг гэж үзэж байна. Эл бүтээл нь хүнийг орлох бус тархины тодорхой хэсгийг механик аргаар идэвхжүүлэх зорилготой. “Hento Touch” бугуйвч удахгүй худалдаан гарах гэнэ. Эрдэмтэд “Hento Touch” бугуйвчийг зөвхөн архины төдийгүй тоглоомын донтолтоос урьдчилан сэргийлэх зорилгоор хэрэглэх боломжийг давхар судалж байна.