Бондын санхүүжилтээр боссон гэгдэх Хөгжлийн банкийг улс төрчил тоносон мэдээлэл бараг ор тас мартагдах шахаад байна. Учир нь нүүрсний хулгайн сэдэв халуун хэвээр. Хөгжлийн банканд холбогдуулан тодорхой улс төрчид, төрийн өндөр албан тушаалтнуудын нэр ил болсон ч хэрэг ямар шатандаа яваа, хэрхэн яаж шийдэгдсэн. Цаашид ямар арга хэмжээ авахаар төлөвлөж байгаа талаар сүүлийн үед Засгийн газраас огт мэдээлэл хийсэнгүй. Наад зах нь УИХ-ын 3 гишүүн 33 тэрбумын гурвал гэж нэршиж хоч зүүх хүртэл нэг хэсэг дуулиан тарьсан ч сэжиг бүхий байдлаар дахин замхарч магадгүй байна.

ЖДҮ-г дэмжих сангийн мөнгийг УИХ-ын гишүүд хувааж авсан хэрэг ч яг иймэрхүү дүр зурагтайгаар сарнисан юм. Үнэхээр мартагнуулж байгаад сонгуульд үдэх гэж байгаа биш л бол шат шатны холбогдох яам, газрууд нь иргэдээ мэдээллээр хангах үүрэгээ санамаар.

12 сарын 19-ны өдрийн мэдээгээр Хөгжлийн Банканд энэ оны нэгдүгээр сарын 20-ны өдрөөс хойш арванхоёрдугаар сарын 18-ны өдрийг хүртэлх хугацаанд нийт 809.4 тэрбум төгрөгийн зээлийн эргэн төлөлт хийгджээ.

Гэтэл улс төржилтөөс холуур тойрч чадаагүй энэ хэрэгт хэн хэн ямар хэмжээний зээл яаж төлсөнийг иргэд мэдэх эрхгүй гэж үү. Ямар нэг хэрэгт нэр холбогдуулж зарлахдаа улс төрийн өнцөг хүчтэй баримталдаг хэр нь хэргийн шийдвэрлэлт, хариуцлага хүлээх процессыг ярих дургүй төртэй болсон уу.