Эрх баригч нам төр удирдах бүрэн чадамж нь эргэлзээтэйд тооцогдож улс төрийн намын институд гэхээсээ мафи болов уу даа гэх хардлага олны дунд хүчтэй байна. Үүнийгээ батлан гэсэн мэт сонгуулийн амлалтынхаа ард гарч чадахгүй л байна. Мөрийн хөтөлбөр нь ч биелэлтгүй. Татвар нэмэхгүй, ядуурал буруулна, ажлын байр нэмэгдүүлнэ, улс орны хөгжил дэвшлийг хурдасгана, шударга ёсыг эрхэмлэнэ... гэх мэтийн олон амлалтууд мөрийн хөтөлбөртөө тусган гарч ирсэн ч эрх баригчдын алдаатай байдлаас үүдсэн хохирол нийгмийн зонхилох хэсгийн бухимдал, стресс, доройтолд ташуур болов.

Ард түмний дэмжлэгийг хүлээж чадахгүйгээ мэдсэн эрх баригч нам сүүлийн үед улс төрийн аргаар төрийн эрх мэдэлд хүчээр лав суух оролдлого хийж үнэмлэхүй эрхээ хэт давуулан эдэлсээр. Сөрөг хүчнээ нухчин дарах. Ардчилсан намынхан чөлөөт нийгмийн үзэл санаа, хүний эрх эрх чөлөөг давамгайлуулах нийтлэг үзэл санааг хамгаалах үүргээ сайн мэддэг хэвээр, одоохондоо тарж бутрах болоогүй, олон мянган гишүүд нь нэг үзэл санаан дээр байгаа болохоор үүн дээр нийгмийн бухимдал, шударга бусд дургүйцсэн ард олон нэмэгдэн хэзээ мөдгүй эрх баригчдын ноёрхолд цэг тавьж мэдэхээр уур амьсгал бүрдсэн учраас сөрөг хүчний нэр хүндтэй лидерүүдийг гэмт хэрэгт гүтгэх, бүртгэл, бүрдүүлэлтийн байгууллагыг ашиглан улс төрд сөрөг хүчингүй болохоор улайрсан сохор, муйхар арга хэрэглэх аж.

Үндсэн хуулийн нэмэлт өөрчлөлтийг хүч түрэн хийх. Үндсэн хуулийг нэг нам дангаар, зарчим мартагнуулсан заль мэхний шинжтэй байдлаар удаа дараа суудлуу засан тухлах сандал ширээнээс дордуулан өөрчлөн засч ухаж, төнхөх эцэстээ улсын тусгаар тогтнолд сөрөг нөлөөтэй.

Сөрөг хүчний байр суурийг хүчээр устгах хамгийн шилдэг арга болох даргыг нь гишүүдээр нь бус эрх баригчдаас томилох хор найруулж, үүнийгээ бататгах гэсэн мэт АН-д нэр хүндээ нэгэнт алдаж, гэмт хэрэгт холбогдсон этгээдүүдийг ашиглан хутган үймүүлэх аж. Ингэснээр эцэг хуулийг эцсийн амьсгалгүй ч болгож мэдэх янз янзын өөрчлөлт хийхээр савалцгааж байна.

Ирэх сонгуульд ялалт байгуулан хэмжээгүй, хязгааргүй засаглах эрхээ олж авах Сонгогчдын тодорхой тоог гишүүдээрээ эзэлдэг сөрөг хүчин буюу Ардчилсан намыг эрхэндээ оруулах нь дарангуйлал, ухралт мөн ч ирэх УИХ-ын сонгуульд нэгдүгээрт төрөөс хулгай хийгчдийн хар мөрийг баллах хоёрдугаарт дахин сонгуульд ялалт байгуулах санаархалд эцэс төгсгөлгүй автаж үүгээр нь УИХ-д нэг ч гэсэн суудал авч явцуу сонирхолд автагчид болох гишүүнгүй шахам жижиг намуудыг алчуур болгон ашиглаж гэмээ арчих нь. Ард түмнээсээ айдаг эрх баригчид, улс орноо сүйрүүлэгчид гэж нэгэн үеийнхэн тэр чигээрээ түүхэнд хар нэртэй үлдэх гээгүй л бол эртхэн улс төрийг ч, төр засгийг ч зөв шударгаар ажиллуулах цаг болжээ.