Шүүх бол бие даасан засаглал! Төрийн гурван өндөрлөг энэ тэр буруу ойлголт! Хууль тогтоох, шүүх, гүйцэтгэх засаглал л гэж бий! Хууль тогтоогчид нь цоорхойтой хууль баталж, шүүгчид тэр цоорхойгоор нь гэмт хэрэгтнүүдийг хулгайн нүүрс шиг гоожуулаад байвал мянган гүйцэтгэл байгаад ч нэмэргүй юм л даа!

Үе үеийн Ерөнхийлөгчдийн эрхийг хязгаарлана гэж нам, парламент, засаг гурав дайрсаар сүүлдээ шүүх нь хэнд ч дийлдэшгүй засаглал болон хувирч! Яах вэ, явж явж тогтолцооныхоо л мөн чанарт очсон гэсэн үг!

Хүмүүс улстөрчдийн шүүмжилдэг шүүгчдийг тоодоггүй явсны гай одоо энэ авилга, хулгай! Одоо нэг мөсөн улстөрийн нөлөөллөөс чөлөөлөөд шүүхийн бие даасан байдлыг хангаад, улстөрийн нөлөөгөөр томилогдсон шүүгчдийг нийтийн хяналтаар цэвэрлэх хэрэгтэй юм байна!

Учир нь тавьмал шүүгчид бие даасан байдал гэдгийг дураараа дургих, авилга авах эрх гэж ойлгоод байна! Засаглалын хямрал гэдэгт шүүх засаглалын хямрал, ялзрал хамрагдах ёстой! Одоо гэм буруугаа шүүхээр тогтоолгоно гэсэн авилгачийн үг "Би хахуульдаад зүгээр гарна!" гэсэнтэй адил сонсогддог болжээ! Эндээс эхлэхгүй бол шударга ёс, хуульт ёс ёстой лөөлөө юм байна... Шүүхийг хэн шүүх вэ?