Сүүлийн арваад жилд тохиогоогүй томоохон эсэргүүцлийн жагсаал Лондон хотод болсныг “Sky News” мэдээлжээ. Жагсагчид ядуурлын түвшин нэмэгдэж, амьдралын чанар буурч байгааг эсэргүүцэж, ажил хаялт зарлан ийнхүү жагсаж байгаа аж. Цалин хөлсөө нэмэгдүүлэхийг шаардсан уг жагсаалд төрийн албан хаагчид, галт тэрэгний жолооч нар, агаарын тээврийн ажилчид болоод худалдааны байгууллагын хагас сая гаруй хүн оролцсон байна. Их Британийн Ерөнхий сайд Риши Сунак жагсаалыг албан хүчээр тараах зохицуулалт хийх нь зүйтэй гэсэн байр суурь илэрхийлсэн нь олон нийтийн дургүйцлийг хүргээд байгаа юм байна.