Сүүлийн үед баяр давхцуулан элдэв сугалаа газар авлаа. Телевизийн сувгууд сугалааны нэвтрүүлгээр дүүрч, олны танил, урлагийн одод ч өөр өөрсдийн онцлогоор сугалаа явуулцгааж байна. Гэтэл сугалаа явуулах зөвшөөрөл олгогдсон эсэх нь тодорхойгүй байна.

Сугалаа явуулж буй аж ахуй нэгжүүд тодорхой шалгуур хангасан байх ёстой бол хувь хүмүүс өөрийн эд хөрөнгөө зарах зорилгоор сугалаа явуулж, зах зээлийн үнэлгээнээс давсан ашиг олж болох эсэхийг зохицуулсан хууль тогтоомж хэрэгжиж байгаа юу?

Эд мөнгөний хонжворт сугалааны үйл ажиллагаа эрхлэх тусгай зөвшөөрөлтэй аж ахуйн нэгж Монгол улсад гаруй бүртгэлтэй байна.

Хувь хүний орлогын албан татварын тухай хуульд хонжворт сугалааны талаар ганцхан заалт оржээ.

Энэ нь

19.1.2.төлбөрт таавар, бооцоот тоглоом, эд мөнгөний хонжворт сугалааны хонжворын орлогод албан татвар ногдуулах орлогыг тухайн орлогын дүнгээр.

Өөрөөр хэлбэл сугалаагааар иргэн, аж ахуй нэгж ашиг орлого олсон бол улсад татвар төлөх нь.

Гэхдээ сугалаа явуулж иргэдийн тав арван төгрөгийг төвлөрүүлэн гэнэтийн ашиг олох аж ахуй нэгж, иргэдийг шууд буруутгах бус биеийн амраар, хөдөлмөрлөхгүй хий хоосон азанд найддаг хүмүүс олон болохоор сугалааны шуурга намжихгүй байгааг дурьдах хэрэгтэй.

Сугалаа, хонжворт нэвтрүүлэг, энэ төрлийн үйл ажиллагааны нэг сөрөг тал нь иргэдийн азанд найдах сэтгэлгээг өдөөж, орлогынхоо тодорхой хэсгийг сугалаанд зарцуулах дадалд сургах эрсдэлтэйг мэргэжилтнүүд анхааруулж байна.

Гэвч зах замбараагүй олон сугалааг хязгаарлаж, татварын бодлого сайжруулахын оронд цахим харилцаа холбооны сайд Н. Учрал сугалааг өргөн нэвтрүүлгийн буюу улсаас татаас авдаг хэвлэл мэдээллийн хэрэгсэлд л хориглож бусад арилжааны сувгууд энэ төрлийн мэдээлэл сурталчилгааг чөлөөтэй хийж болохыг мэдэгдсэн.