“V-Dem” институти 1789 оноос эхлэн жил бүр олон нийтэд нээлттэй, үнэ төлбөргүйгээр дэлхийн улс орнуудын ардчиллын индексийг гаргадаг. Тус институтийн мэдээллийг улс төр судлаачид түгээмэл ашигладаг байна.

Дэлхийн 179 орныг ардчиллын индексээр жагсаахад энэ онд Дани улс 0.89 оноогоор нэгдүгээр байранд оржээ. Данийн араас Швед, Норвеги, Швейцарь, Эстони, Шинэ Зеланд, Бельги, Ирланд, Коста Рика, Финланд удаалав. Монгол Улсын хувьд энэ жил 0.43 оноо авч 77 дугаар байрт оржээ.

Ардчиллын индексээр хамгийн сүүлийн байранд Хойд Солонгос улс орсон бөгөөд 0.01 оноо авчээ. Харин Хойд Солонгосын өмнө Эритрей, Афганистан, Чад, Сири, Никарагуа, Туркменистан, Хятад, Беларусь, Саудын Араб гэсэн есөн улс орсон байна.