Улаанбаатар хотоос Баян-Өлгий аймгийн Өлгийн сумын чиглэлд “Ултрановис” загварын 40 тонн чингэлэг тээвэрлэж явсан том оврын ачааны автомашины жолооч Ж “Дэлүүн” зоогийн газрыг мөргөжээ. Үүний улмаас тухайн барилга нурж, зоогийн газарт ажиллаж байсан тус аймгийн харьяат, 24-40 насны гурван хүн нас барсан байна.

Жолооч Ж автомашины бүхээгт хавчуулагдсан байсныг эсэн мэнд гаргаж, аймгийн нэгдсэн эмнэлэгт хүлээлгэн өгсөн талаар Цагдаагийн байгууллагаас мэдээллээ.