Эрүүл мэндийн даатгалын тогтолцоо, эмчилгээ, үйлчилгээний чанар хүртээмж хангалтгүй. Англи, Америк зэрэг орнуудад ЭМ-ийн салбартаа хамгийн их анхаарал хандуулдаг. Харин 3,4 сая монголчуудын ЭМД-д жилд 1,1 их наяд төгрөг иргэдийн цалин орлогоос төвлөрдөг. Ард түмний хөдөлмөрлөж олсон мөнгөнөөсөө төлдөг шимтгэлийн хариуцлага дэндүү муу байна. Өнгөрсөн 30 гаруй жилд салбарын асуудал хамгийн муу байв. Иргэдийн эрүүл мэндийн даатгалын шимтгэлийн мөнгөнөөс улс төрчид хулгай хийж ирсэн үү? Гэдгийг бүрэн гүйцэт шалгаж тогтоох ёстой. Сонгууль дөхөөд ирэхээр “Эрүүл монгол хүн, Эрүүл монгол хүүхэд” гэх мэт олон хөтөлбөр зарлагддаг үр дүнгээ өгдөггүй.

Энд тэнд маш олон хандивын тоглолт, урлагийн арга хэмжээ явагдаж түмэн олон цөхөрсөндөө эрүүл амь явахын тулд ингэхээс аргагүйддэг.

“Зарим иргэдийн бичсэнээр нэгэн иргэнийг эрүүл мэндийн болон нийгмийн даатгалыг насаараа төлчхөөд цалингийн зээлтэй байгаад нас барахад хуулиар далайлгаад гэрт үлдсэн тэтгэврийн хөгшнийг гэр орноос нь хөөж орон сууцыг битүүмжилнэ...” гэх харгис тохиолдол ч гарсан байна.

Товчхондоо ямар нэг даатгал, шимтгэл, татвар хураамж насаараа төлсөн иргэд ямар ч үр шим хүртэж чадахгүй байгаад асуудлын зангилаа, бохир тогтолцооны урхаг бий.

Хэрэглээд хаядаг машин техникийг албан журмын даатгалаар даатгадаг мөртлөө хүнээ даатгах тогтолцоог хэрэгжүүлж чадахгүй байгаа нь төрийн чадамжийг харуулсан хэрэг мөн. Зарим орнуудад эмчилгээ хийлгээгүй бол иргэнд даатгалд төлсөн мөнгийг буцаан олгодог систем үйлчилдэг аж.