Хөгжлийн банкнаас зээлэгчдийн гэм буруутай эсэхийг шүүх хурал үргэлжилсээр. Нийгмийн анхаарлын гадуур өнгөрөх аргагүй эл шүүх ажиллагааны зарим холбогдогч нар хохирогч, үл мэдэгч, гэмгүйчүүдийн дүрд яаж ч тоглох гээд нотлох баримтуудын өөдөөс мухардаж байгаа бололтой. Жишээ дурдахад ХБ-ны ахлаг мэргэжилтнээр ажиллаж байсан Аззаяа гэх эмэгтэй гар утсаа харж байгаад

“...Хөгжлийн банкнаас хууль бусаар 21 сая доллар гаргуулж авсан гэгдэх НВЦ компанийн захирал Ц.Баатарбилэг нь түүнд хүчээр авлигал өгсөн...” гэх агуулгат зүйл ярьсан нь олны анхааралд ороод байна. Логик утгаар бодож үзвэл хүчээр авсан эсвэл мэдээгүй авлигалдуулсан эсэхээс үл хамаараад хэргийн хор хохирол, гэм буруугийн хэмжээ хуулийн дагуу л тооцогдох болов уу.

Хөгжлийн банкны хууль бус зээлийн асуудлаар НВЦ компанийн удирдлага болон бусад холбогдох хүмүүсийн мэдүүлэгт шүүгчээс асуусан асуулт, шаардлагын дагуу үнэн зөв мэдүүлсэн ч гагцхүү хэрэгт холбогдолгүйгээ нотлох санаа зорилгод тус тусаараа санаархсан болов уу гэмээр.

Харин УИХ-ын гишүүн Ё.Баатарбилэг нь өөрийн амьдаа Ц.Баатарбилэгтэй олон жилийн түнш гэдгээ нотлох гэсэн мэт “Ц.Баатарбилэг бид хоёр олон жил нөхөрлөж байгаа. 1990-ээд оны сүүлээс найзалж буй. Дараагаар нь JCI төрийн бус байгууллага хамтран байгуулсан.

Мундаг бизнесмен гэж хардаг. Бидэнд өөрсдийн баримталдаг зарчим гэж бий. Ийм том бүтээн байгуулалт хийж, өндөгний хэрэглээг хангаж байна. Найз нөхөд болгоноор хардаж, холбоод байвал хэцүү шүү дээ...” гэх мэтээр ярьжээ. Хэргийн эцсийн шийдвэрлэлт, хуулийн дагуу шүүхийн үйл ажиллагаа явагдах учраас үүнд хэн нь ямар оролцоотой хэрхэн буруутгагдаж, яахыг тодруулахад эрт юм.

Эдгээр хүмүүсийн мэдүүлгүүдээс харахад хөгжлийн банкны хэрэгт эх орныхоо төлөө өдөр шөнөгүй ажиллаж их юм бүтээсэн хүмүүсийг авч ирээд бөөнөөр нь хэлмэгдүүлсэн гэж ухвар ойлгогдох. гэвч амьдрал баян, бизнес хийсэн, хийх гэж оролдсон үйл явдал зөндөө ч хэн ч би авлигалчин, би хулгайч гэж хэлэхгүй нь ойлгомжтой. гагцхүү эрүүгийн хуульд заасан гэмт үйлдэл, тэр нь хэрхэн нотлогдсон болохыг прокурор шүүх тогтооно.