Филиппинд ДӨРВӨН жил орчим амьдраад "ШУВУУ" ажиллагааны хүрээнд баригдаж ирсэн Т.Бадамжунайг шүүх баяр наадмын үеэр сулласан. Гэхдээ түүнд холбогдох албан тушаалын байдлаа урвуулан ашиглаж бусдаас хахууль авсан, мөн "Эрдэнэт үйлдвэр" ТӨҮГ-ын 2018 оны хоёрдугаар сарын 28-ны өдөр "Зэсийн баяжмал худалдан авах гэрээ"-нд хууль бусаар нөлөөлж өөртөө болон бусдад давуу байдал бий болгосон гэх хэргийг шүүхэд шилжүүлэх саналтайгаар НПГ-т шилжүүлсэн талаар АТГ-аас долоодугаар сарын 31-нд мэдээлсэн.

Хэргийн оролцогч нарын өмгөөлөгч нар ээлжлэн гомдол гаргаж байгаа нь хууль хяналтын байгууллагуудын хэрэг хянан шалгах процесст хүндрэл учруулж байна.

Холбогдох хууль тогтоомжийн дагуу өмгөөлөгч нарын гаргасан гомдлыг заавал авч хэлэлцэх ёстой гэсэн тайлбарыг албаны эх сурвалжууд өгч байгаа юм. Тэгвэл эх сурвалжийн мэдээлж байгаагаар Т.Бадамжунайн асуудлаар шашны томоохон төлөөллүүд түүний хэргийг харж үзэхийг төрийн гурван өндөрлөгөөс гуйж, албан ёсны бичиг өгч байна гэх мэдээлэл бий.

Эх сурвалж: Арслан.мн