БШУЯ: Хөдөө орон нутгийн сургуулийн цахим кабинет, интернэт орчныг сайжруулахад анхаарна

Aдмин / Боловсрол

БШУ-ны сайд Л.Энх-Амгалан Хөвсгөл аймгийн Цэцэрлэг сумын Могой багийн бага сургууль, цэцэрлэг дээр очиж үйл ажиллагаатай танилцсан байна. Тэрбээр,

“Багийн сурагчид, багийн сургууль, цэцэрлэгийн багш нарт онцлог талууд олон байдаг. Хүүхдийн ачаалал харьцангуй бага тул хүүхэд бүртэй тулж харьцах боломж их. Энэ нь сургалтын чанарт эерэг нөлөө үзүүлдэг. Нөгөө талаас 5, 6 дугаар ангийн сурагчид Eduten, Pearson хөтөлбөр үзэж эхэлж байгаа учраас хөдөөгийн сурагчдын цахим кабинет, ухаалаг дэлгэц, тоног төхөөрөмжөөр хангах, интернэт орчныг сайжруулахад анхаарна.

Бага ангийн хүүхдүүд унших, бичих, хичээлээ ойлгож ярих тал дээр тун сайн байна. Багш нар хот хөдөөгийн сургууль, цэцэрлэгийн ялгааг арилгах, хөтөлбөрийн шинэчлэл, багшийн хөгжлийн бодлого, боловсролын ерөнхий хуулийн зарим заалтууд дээр санал бодлоо нээлттэй солилцлоо. Могой багийн бага сургуульд 77, цэцэрлэгт 88 хүүхэд суралцдаг. Дотуур байранд 20 гаруй хүүхэд амьдарч байна” гэж өөрийн цахим хуудсаараа дамжуулан мэдээллээ.


Сэтгэгдэл

Роммио [59.153.115.78] 2023-11-19 10:28:10

Муухай


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.