Алтны үнэ түүхэн дээд хэмжээнд хүрч унци нь 2100 ам.доллараас давлаа. Нью-Йоркийн Comex биржийн арилжаагаар арванхоёрдугаар сарын фьючерсийн үнэ 17.7 доллараар буюу 0.85 хувиар нэмэгдэн унци алт 2107.15 доллараар арилжаалагджээ. Мөнгө ч гэсэн үнээ нэмж унци нь 25.317 доллараар зарагдлаа.

“Зах зээл үнийн уналтыг хүлээж байгаа. Эдийн засгийн зогсонги байдлын шинж тэмдэг илрэнгүүт алтны үнэ нэмэгдэх хандлагатай ” Мельбурны Capital.com компанийн шинжээч Кайл Родда хэлж буй.

Арваннэгдүгээр сарын 27-нд унци алтны үнэ 2000 ам.доллараас давсан нь энэ жилийн тавдугаар сараас хойших дээд үзүүлэлт болсон юм.