Өдөр бүр хүмүүс сонголт хийдэг. Өглөө хэдэн цагт босох, ямар хувцсаа өмсөх, юу бодох, юу хийхээс эхлээд бүх юм сонголт. Ямагт ирээдүйн сайн сайханд хүрэх замыг оновчтой олж авах сонголтуудаа зөв хийснээр хүн бүхэн одоо байгаа өндөрлөгтөө хүрсэн. Товчхондоо өөрт байгаа мөнгө, цаг хугацаа, нөөц бололцоо, хүч чадал, чадвар, оюун ухаанаа юунд зарцуулах вэ гэдгээ зохицуулж чадсанаараа эерэг үр дүнд хүрч байвал тогтвортой санхүүжилтийн нэг хэлбэр. Өөрт байгаа мөнгөө дэмий зүйлд үрээд дуусгах уу эсвэл ямар нэг хэрэгтэй зүйлд зарцуулчхаад аз жаргалтай мэдрэмж авах уу. Энэ бол тогтвортой санхүүжилт хийж сурахын эхлэл.

Харин банк санхүүгийн байгууллага ажилтнуудаа сайн хандаж, хүмүүст тусалдаг байгууллагыг дэмжиж тэр ч бүү хэл байгальд ээлтэй салхи, нарны цахилгаан станцуудыг бий болгоход хөрөнгө оруулснаар агаарын бохирдолгүй болох нөхцөл бүрддэг. Харин хортой үйлдвэрүүдэд банк зээл тусламжийн гараа сунгадаггүй. Тэгэхээр банк тогтвортой санхүүжилт буюу зөв сонголтоо ингэж хийдэг.

Д.ЭНХБАТ