Монгол Улсын Гадаад валютын нөөц энэ оны 3-р сард 5 тэрбум 250 сая ам.доллар болж өслөө. Үнийн хөөргөдлийг багасгах, эдийн засгийн эрсдэлүүдийг давах туулахад гадаад валютын нөөц чухал хэдий ч Төсөв томрох тусам төр данхайдаг. Ард түмний амьжиргаа барь байдгаараа өнөө маргаашдаа санаа зовних өрх айл тун олон. Автобусны чихцэлдээн дунд нэгэн охин хэн нэгэнтэй утсаар ярих хэдхэн үг чих дэлсэнэ. “... Одоо яанаа маргааш түлэх нүүрсгүй боллоо шүү дээ. Ээж гурав дахь өдрөөс нааш эмнэлгээс гарахгүй. Яах уу” гэж ярих охин 12, эсвэл 13 тай л бололтой. Ард түмний, нийслэлчүүдийн амьдрал ахуй дийлэнх нь ийм л аж амьдралтай.

Сар бүр өрнөөс өрний хооронд сажилж өлсөхгүй даарахгүйн тулд хамаг байдгаа зарцуулж бусдаар мөнгөө хуримтлуулах, алс ирээдүйгээ төлөвлөж сайн сайхан зүйл хүсэж мөрөөдөх эрхгүй.

Хэдий нүүрс, алт зэсийн экспортын жаахан орлогоос улс орон өрийн дарамтад нимгэлж гадаад валютын өсөлтөө зарлах хэмжээд ажиллаж байгаа нь сайн хэрэг боловч туйлдсан түмнийхээ аж амьдралд бодит туслалцаа үзүүлэх зайлшгүй шаардлага үүсжээ.

Буруу шийдвэр, боддоггүй байдлын уршиг нь ченжийн нугалаатай худалдаанд ард түмний ахуй амьдрал хоосорч, авлигалын асар их гай тотгороор улс орны эдийн засагт эдгэшгүй сульдаа бий болсон. Хулгайг авлигалын шүүхээр хаацайлж болох ч бодит үр дагавраас хааш нь ч бултуулж боломгүй. Авлигатай тэмцэж далд эдийн засгийг илрүүлснээр хямрал зогсож өсөлт тогтворжлоо гэх суртал нь үнэн бодит байдалтай бүрэн дүүрэн нийцэх боломжгүй.

Д.ЭНХБАТ