Хууль зүйн яамны сайд байснаа хэт санагалзсан мэт хотын дарга Х.Нямбаатар нийслэлийн гудамж, хорооллуудаар явж шаардлага тавихдаа нэлээд популист үйлдлүүд гаргажээ. Тэрбээр зарим иргэдийг жаахан хүүхэд загнаж байгаа юм шиг зэмлэж, этгээд хачин үйлдлүүд гаргаад амжлаа. Хотын дарга тушаал захирамж гаргана эрхийнхээ хүрээнд л ажиллахаас биш хороо, хэсгийн ахлагчийн хийдэг иргэдийг тэг ингэ гэж зандрах эрх бий билүү? Түүний хувьд хотын даргын албан ажилд томилогдоод нэг их удаагүй ч метро дүүжин тээврийн асуудал, автобусны шинэчлэлийг ташуурдаад хурдлуулах шахаж байгаа билээ. Гэвч улс төрийн хувьд тэрбээр УИХ-д нэр дэвших үү? Эсвэл хотын намын хороогоо удирдаж орох уу?

Жагсаалтад багтаж гишүүн болох уу гэдэг нь тодорхойгүй. Ерөнхий сайдын бүх ажилд тохоон томилж асуудлуудыг шийдвэрлэхэд урдаа барьдаг ганц хүн нь Х. Нямбаатар. Хууль зүйн яамны сайд байхдаа бүхий л ээдрээтэй асуудал руу гар дүрж шийдэл хайдаг байв.

Эцэст нь МАН-ын рейтингд хортой нөлөө үзүүлэх ужиг асуудал олонтой нийслэлийн асуудлыг түүнд хариуцуулсан. Гэвч түүний хандлага ааш авир, шийдвэр шийдэл ардчилсан нийгмийн хэв шинжид тохирохгүй байгаа нь зарим талаар ажиглагддаг. Ямар асуудлыг иргэд олон нийтийн оролцоо, саналыг үндэслэх зарчим нэлээд алдагдсан. Ногоон автобусны ил цагаан хулгай луйвар шийдэгдэх үү, үгүй юу. Эсвэл сонгууль өнгөртөл хав дараад өнгөрөх үү? Эрх мэдэлтнүүд нь сул чөлөөтэй өнгөрөнгөө жижиг жараахайгаар туг тахих уу? Гэх мэтээр асуулт олон ажээ.

Д.ЭНХБАТ