“ХААН Банк” ХК-ийн 2024 оны Хувьцаа эзэмшигчдийн ээлжит хурал танхим болон цахимаар хосолсон хэлбэрээр 2024 оны 4-р сарын 23-ны өдөр ХААН Банкны Сөүл оффисын ХААН театрт амжилттай болж өндөрлөлөө.

Энэ удаагийн хувьцаа эзэмшигчдийн ээлжит хурлаар доорх асуудлуудыг хувьцаа эзэмшигчдэд танилцуулж, хэлэлцлээ. Үүнд:

• “ХААН Банк” ХК-ийн 2023 оны үйл ажиллагааны болон санхүүгийн тайлангийн танилцуулга:

• “ХААН Банк” ХК-ийн хувьцаа эзэмшигчдэд ногдол ашиг хуваарилах тухай танилцуулга;

• 2023 оны чанаргүй зээлийг холбогдох эрсдэлийн сангаас хаасан тайлангийн танилцуулга;

• “ПрайсуотерхаусКуперс Аудит” ХХК-ийн банкны 2023 оны аудитлагдсан санхүүгийн тайлангийн дүгнэлтийн танилцуулга.

Мөн тус хурлаар дараах асуудлуудыг хэлэлцэн шийдвэрлэж баталсан болно. Үүнд:

1. “ХААН Банк” ХК-ийн 2023 оны үйл ажиллагааны болон санхүүгийн тайлангийн талаарх ТУЗ-ийн дүгнэлт;

2. ТУЗ-ийн 2023 оны ажлын тайлангийн танилцуулга, 2024 оны зардлын төсөв;

3. “ХААН Банк” ХК-ийн Төлөөлөн удирдах зөвлөлийн үйл ажиллагааны журмын төслийг тус тус хэлэлцэж батлав.

ХААН Банкны Төлөөлөн удирдах зөвлөл