“Оймс” хочит Лүндэгийн Наранбаатарын увайгүй аархал

АН унах үед хүчтэй байсан МАН-д урвасан ардчилсан намын угшилтай намаасаа урваж тодорхой улс төрчдийг зүйл бүрээр гүтгэж, буруутгах замаар тодорч улмаар МАН-ын ивээлээр “Хөтөл цемент шохой” төрийн өмчит үйлдвэрийн газарт даргаар томилогдон ажилласан Л.Наранбаатар сүүлийн үед олон төлбөртэй нэвтрүүлэгт оролцож өөрийгөө сэг мэдээгүй магтахын зэрэгцээ малчин айлын хотонд очиж ишиг тэврэн үнэрлэж байгаа бичлэг нь сошиал сүлжээнд олон нийтийн дургүйцлийг төрүүлэв. Тэрээр төрөө дээдэлдэг Монголчуудын уламжлалыг уландаа гишгэж оймс шидсэн үйлдлээрээ бахархаж явдгаа хэвлэлд ярьсан нь түүнийг улс төрч хүнд байх ёс зүйг огт мэддэггүйг нь нотлов.

Сонгууль дөхөхөөр нүүдэлч малчин ахуйгаа мэддэг, хайрладаг дүр эсгэх маш олон зүсэн бүрийн зураг, бичлэг авахуулан олон нийтэд цацах мода маяг дэлгэрэхийг Л.Наранбаатар ч алдсангүй. Малын хашаанд дотор мөлхөж ишиг тэврэн үнэрлэж буй дүрс бичлэг зурагтаа дэлгэн сошиал, хэвлэлээр өөртөө нааж болох бүх сайн сайхан зүйлсийг хамааруулан ярих түүнд иргэд тийм ч таатай хандахгүй байна.
Тэрээр Төв, Дархан, Сэлэнгийн бүсэд нэр дэвшихээр сумдад уулзалт хийж явахдаа тайзан дээрээс хүмүүс рүү гараараа даллах зэргээр улс төрийн коммунист хэв загвар үзүүлэн өөрийгөө бэлтгэгдсэн улс төрч гэж андуурч явааг харуулна. Бэлтгэгдсэн улс төрч адаглаад намаа сольж хольж гүйдэггүй, улс төрийн үзэл баримтлалдаа чих шулуун алхдаг. Нам нь ялагдсан ч намдаа байдаг, нам нь ялсан ч намдаа байдаг. Харин Л.Наранбаатар хүчтэй талд үйлчилж суудаг, хүчгүй талаас зугтаж суудаг нь намын гишүүнчлэлээс нь тод харагдана.

Төрийн өмчит үйлдвэрийн газарт томилогдон ажиллахдаа хэл аманд орж, ажилдаа ирдэггүй, ажлаа хийдэггүй хэмээх асуудлыг дагуулж байсан нь саяхан. Эргэн сануулахад түүнийг, Төрийн өмчийн бодлого зохицуулалтын газрын дарга Б.Цэнгэл, “Хөтөлийн цемент шохой компанийн захирал Л.Наранбаатар архи уухаараа ажилдаа ирдэггүй, алга болдог. Би энэ тухай нь анхааруулж, үйлдвэрийг алсын зайнаас удирдана гэж бхгүй шүү гэж хэлсэн. Мөн аудитын сөрөг дүгнэлт нь түүнийг ажлаас чөлөөлөх үндэслэл мөн” гэж тодруулга өглөө.

Хуулийн байгууллагаас Хөтөл дэх "Цемент шохойн үйлдвэр" төрийн өмчит ХК-ийн гүйцэтгэх захирал Л.Наранбаатарын гэр болон ажлын өрөөнд /2023.04.17/ нэгжлэг хийсэн байдаг. Тухайн үед Авлигатай тэмцэх газар /АТГ/-аас энэ талаар тодруулахад "Цемент шохойн үйлдвэр" ХК-ийн гүйцэтгэх захирал Л.Наранбаатарын гэр болон ажлын өрөөнд нэгжлэг хийсэн нь үнэн. Нэгжлэг хийж буй үндэслэлийг прокурорын байгууллагын зөвшөөрөлгүйгээр хэлэх боломжгүй" гэж байлаа. Ийм л нөхдүүд их хурлын гишүүн болохоор горилж явна.