АТГ-аас Хөгжлийн банкны асуудалд нэр холбогдуулан зээлээ зориулалтын бусаар зарцуулсан гэх үндэслэлээр УИХ-ын гишүүн асан Ц. Гарамжавыг 48 цагийн хугацаатай баривчилсан талаар 5-р сарын 29-нд мэдээлэв. Харин энэ талаар олон нийт янз бүрийн байр суурьтай байгаа бөгөөд тухайлбал сэтгүүлч, яруу найрагч Р.Эмүжин бичихдээ

“Монполимет групп өнөөдрийг хүртэл 150 орчим тэрбум төгрөгийн татварыг улсын санд төвлөрүүлж, 155 тэрбум төгрөгийн зээлийн хүү болон бусад төлбөрийг барагдуулж, нийгмийн хариуцлагын хүрээнд 30 гаруй тэрбум төгрөг зориулсан... Ц.Гарамжав УИХ-ын гишүүн байхдаа, Ж.Эрдэнэбатын Засгийн газрын үед Тавантолгойг Хятадын Шинхуа, Чайналко зэрэг компанид өгөх гэж байсан албан гэрээг хүчингүй болгуулж, стратегийн орд газар хэмээх үнэ цэнтэй ойлголтыг төрийн төвшинд бүрэн утгаар нь гаргаж ирсэн. Хэрвээ зээлээ хугацаанд төлж улсад татвар төвлөрүүлсэн баримтууд нь байсаар атал буруутгах гэж байгаа бол

1.Түүний зээ хүү Монголын 10 дугаар Богдоор тодорч, Хятадуудын дургүйг асар ихээр хүргэн, Бурхны шашны дэлхийн төв болох өмнөд хөршийн том амбицыг үгүй хийсэн. Одоо энэ индэр Монголынх болсон.

2. Монцементийг ашиглалтад оруулснаар Хятад руу цементийн импортод урсаж байсан 100 сая долларыг 35.0 сая болтол буулгаж чадсан, энэ мөнгө Монголдоо үлддэг болсон.

3. Стратегийн орд газрууд хэмээх ойлголтод УИХ-ын индэр дээрээс монголчуудын анхаарлыг хандуулж чадсан. Гэдэг дээр л буруутгагдах байх. Эцэст нь нэг асуулт байна. Монголын төр эцсийн эцэст Монголынх уу, Хятадынх уу? Энэ эмэгтэйг хонгилоор чирээд явчхав уу, хоёр улсын хилийн заагаар чихдээд шургуулчхав уу? “ хэмээн бичжээ.