Засгийн газар өнгөрдөг зудтай саруудаас эхлэн гэнэт “Шинэ хоршоо хөдөлгөөн”-ийг зарлаж хоршоо байгуулсан малчдад 50 сая төгрөг хүртэл зээл өгч, бодлогоор дэмжих тухай ярьж эхэлсэн. Хоршоолол гэгч төчнөөн жил яригдсан асуудлыг ийнхүү сөхөж тавьсны шалтгаан нь жил ирэх тутам ахуй нөхцөл, байгаль цаг уурын байдлаас болж цөөрч буй малчдыг төрийн зохицуулалтаар хоршоолох менежментийн арга хэлбэр хэмээн тайлбарлаж байгаа юм. Гэвч Монголчууд өртэй хүн өөдлөхгүй өттэй мал таргалахгүй гэдгээр хоршооллын зохион байгуулалтыг гэнэтийн байдлаар ихээхэн хэмжээний өр зээлээр шийдэх нь үр дүнгүй.

Түүний оронд малын гаралтай түүхий эдийн үйлдвэр барих ёстой гэж байна. Тухайлбал нэгэн иргэн сошиалд ийнхүү бичжээ. “Шинэ хоршоо хөдөлгөөн гэх малчдыг хуурсан үйл ажиллагааг сүүлийн 1 сар орчим сурталчиллаа.

Хөрсөн дээрээ хэзээ ч хэрэгжихгүй хоршоо байгуулбал 5-50 сая төгрөгийн зээл өгч нийт 5 их наядыг тараах юм гэнэ. Зээл өгч өргүй малчдаа өрөнд оруулж байхаар 1.3 их наядыг гаргаад өртэй малчдынхаа өрийг тэглэвэл илүү үр дүнтэй. Малын арьс шир боловсруулах үйлдвэр, мах хадгалах зоорь сав, экспортын зохицуулалтаа хийгээч. Дараа нь ул суурьтай судалгаатай тооцоотой хоршооллыг авч үзэж болмоор юм. Сонгуулийн дөхөхөөр нөөлөглөхөө хэзээ болих вэ?”