СЕХ нэр дэвшигчдийг бүртгэж баталгаажууллаа. Харин Шадар сайд бөгөөд Эдийн засаг хөгжлийн яамны сайд, УИХ-ын гишүүн Ч. Хүрэлбаатар, Соёлын яамны сайд Ч.Номин нарыг УИХ-ын сонгуульд нэр дэвшүүлэхийг батлах бус харин ч төрийн эсрэг гэмт хэрэг өдүүлсэн буюу хууль бус сонгуулийн сурталчилгаа зохион байгуулж, төрийн эрх мэдлийг хууль бусаар авах оролдлого хийсэн хэмээн хуулийн байгууллага шалгахыг иргэд шаардсаар байна.

“Ч.Хүрэлбаатар сайдын Монгол улсын эрх ашгийг бус гаднын ашиг сонирхолд үйлчилдэг” гэгдээд байгаа бөгөөд учир нь тэрээр төрийн сайд ялангуяа Монгол Улсын төсөв санхүүтэй холбоотой төрийн өндөр дээд албан тушаалд олон жил ажиллахдаа зарим үйлдлүүд нь Үндэсний аюулгүй байдлын эсрэг үйлчилж байсан тухай нь эх сурвалжууд нотлон мэдээлэлдэг. Хамгийн сүүлийн жишээгээр тэрээр УИХ-д “Хөрөнгө оруулалтын тухай хууль” нэртэйгээр улсын газар нутгийг урамшуулалд 100 жилээр гадаадынханд өгөх санаачилга гаргасныг нэр бүхий олон нийтийн байгууллагууд, иргэд, УИХ-ын даргатай хамжааргадан зогсоогоод байгаа билээ.

Харин Чинбатын Номин сайдын “насанд хүрээгүй хүүхдүүдэд сонгуулийн сурталчилгааны материал тараасан, сурталчилгааны хуулийн хугацаа болоогүй байхад иргэдийг цуглуулж сонгуулийн шоу зохион байгуулсан буюу “Соёлын сайд Ч.Номин Сонгинохайрхан дүүргийн хүүхдүүдэд жүжгийн үнэгүй билет өгч, эцэг эхэд нь 2021-2024 онд Соёлын яамны хийсэн ажил гээд өөрийнхөө зурагтай сэтгүүлийг тараажээ.

Өөрөөр хэлбэл, эрхэм сайд горилж буй тойргийн сонсогчдоо онилж, хуульд заасан сурталчилгаа эхлээгүй байхад сэтгүүл тараасан” асуудлаас гадна түүний аав Чинбатын олон нийтийн сүлжээнд ил цагаан цацагдсан малчдыг машинаараа дайрч буй бичлэг Монголд төдийгүй дэлхий дахинд Монгол эх орны нэрийг шороотой хутгах шахсаныг eguur.mn 2023-06-20 “Л.Чинбат газрын маргааны улмаас хүчирхийлэл хийж, нутгийн хэд хэдэн иргэнийг хэрцгийгээр бэртээж байгааг харуулсан бичлэг цацагджээ.

Энэ үйл явдлын үеэр хууль сахиулах ажиллагаа явуулаагүйд олон нийт бухимдаж, шударга ёс тогтоохыг шаардсаар. Л.Чинбат Засгийн газрын сайдын аавын хувьд нөлөө бүхий байр суурь эзэлдэг нь түүнд хууль зүйн ач холбогдолтой үр дагавар гарах эсэх нь эргэлзээ төрүүлж байгаа юм.

Энэ нь Монголын шүүхийн тогтолцоо ил тод, шударга эсэхэд эргэлзээ төрүүлнэ.” онцолж байв. Нэн түрүүнд УИХ-д иргэдээ төлөөлөх төрийн түшээ ёс зүйн зөрчилгүй, ашиг сонирхлын маргаангүй, хууль ёсыг дээдэлж, мөрддөг хүн байх ёстой. Гэвч Ч. Номин, Ч. Хүрэлбаатар нар лав энэ шаардлагад нийцэхгүйгээс гадна цаашид төрийн үйл ажиллагаанд оролцох эсэх нь эргэлзээтэй юм.