Парламентын ес дэх удаагийн сонгууль болж өнгөрлөө. Ямар ч байсан тогтолцооны өөрчлөлтөө Үндсэн хуульдаа тусгаж өгсний дагуу 126 гишүүнтэй, нам, эвслийн хувьд олон орсон алаг цоохор парламент бүрдсэн. Мэдээж олон гишүүн сонгогдсон учраас сайн, муу нь бий. Гэхдээ тэднийг өнөөдөр дүгнэх нь эрт. Гэхдээ тэдэн дотроо улс төрд манлайллаа нэгэнт харуулчихсан, туршлага суусан нөхөр цөөнгүй бий. Энэ удаагийн сонгуульд МАН түүхэн шийдвэр гаргаж, тулхтай, туршлагатай гэсэн болгоноо тойрогт явуулсан. Гэвч Их хурлын дарга нь хэд хэдэн сайдтайгаа цуг өвдөг шороодож тахим өгсөн. Тэгвэл ард түмэндээ хүлээн зөвшөөрөгдсөн, үндэстний хэмжээний улстөрчийн зангараг харуулсан нь ч байлаа.

Тэдний нэг бол Зам, тээврийн хөгжлийн сайд Сандагийн Бямбацогт юм. Баруун бүс буюу дөрөвдүгээр тойрогт нэр дэвшиж, энэ удаагийн сонгуулийн хамгийн өндөр буюу 80 орчим мянган хүний санал авсан. Манайх шиг хүн ам цөөн улсад 80 мянган хүний санал гэдэг бол асар өндөр тоо.

Учир нь зарим нэг нь 10 гаруйхан мянган хүний дэмжлэг аваад л жалга дотноосооТөрийн ордонд залрах тийзээ захиалж байх жишээтэй. Нэг ёсондоо бараг зургаа орчим гишүүний саналыг ганцаараа авсан гэсэн үг.

Манай улсын хамгийн их гацаатай, авлига хээл хахууль гаарсан, ажил нь урагшилдаггүй салбар зам, тээвэр болчихсон байсан нь саяхан. Дарханы замыг л санацгаая. Хэн, хэрхэн урагшлуулах, барьж дуусгах нь тодорхойгүй болчихоод хүмүүсийн хараалыг урсгаж байлаа. Харин Ерөнхий сайд Л.Оюун-Эрдэнэ энэ салбарыг цэгцэнд нь оруулах ажлыг С.Бямбацогтод даалгасан. Тэр ч сайн удирдагч гэдгээ дахин нотолж энэ салбарыг журманд нь оруулсан. Өнөөдөр л Дарханы замын автор нь олон болчихоод байгаа болохоос биш хөдөлгөсөн, дуусгасан нь тэр. Мөн төмөр замын салбар дахь элдэв гацаануудыг арилгаж, хил дагуух шинэ төмөр замуудын ажлыг ч богино хугацаанд гялалзуулсан.

Агаарын тээвэр ч ялгаагүй. Хэзээ байтлаа манайх орон нутаг руугаа ийм ойрхон давамжтай, хямд зардлаар нислэг үйлдэж байлаа. Энэ бүхэнд ард түмэн ам сайтай байгаа. Ерөөс тэр эхлүүлсэн ажлаа заавал дуусгадаг нэгэн. Тийм ч болохоор баруун бүсийнй иргэд түүнд ингэж ихээр найдаж байгаа юм. Угаас улсын хөгжил гэдэг зам, харилцаа ямар байхаас шууд хамаардаг. Ард түмэн ухаантай. Хэн нь үнэн, худал ярьж, хэн нь ажил хийдгийг ялгаж салгадаг.

Тэгэхээр С.Бямбацогт гэж хүн бол хэр хэмжээний улстөрч вэ гэдгээ харуулчихлаа. Олон жилийн туршлага, хөдөлмөрч зан нь түүнийг ийм байдалд хүргэсэн биз ээ.

Шинэхэн гишүүд ангараг өргөж, Засгийн газрын бүтцийн асуудал ид яригдаж байгаа энэ цаг үед түүнтэй холбоотой олон янзын таамаг явж л байна. Улстөрчийн зангараг харуулсан С.Бямбацогтод улсын ажил хэзээ ч томдохгүй. Түүнд улсын хэмжээний ямар ч ажил, аль ч салбарыг хариуцсан толгой өвдөхгүй аваад явчихна. Сэвхийтэл босгоод л ирнэ. Энэ бол үнэн.