ОХУ-ын Гадаад хэргийн сайд Сергей Лавров, Монгол улсын Гадаад харилцааны сайд Батмөнхийн Батцэцэг, БНХАУ-ын Гадаад хэргийн сайд Ван нар эдийн засгийн хамтарсан коридор байгуулах төсөл болон гурван талын хамтын ажиллагааны хэтийн төлөвийн талаар хэлэлцлээ. Энэ тухай Шанхайн хамтын ажиллагааны байгууллагын /ШХАБ/-ын дээд хэмжээний уулзалтын хүрээнд Астанад болсон уулзалтын дараа Оросын Гадаад хэргийн яам мэдээлжээ.

“Дэлгэрэнгүй яриа хэлэлцээний үеэр сайд нар гурван талын хамтын ажиллагааг олон салбарт өргөжүүлэх асуудлыг хэлэлцэж, хамтын ажиллагааг хөгжүүлэх замын зураг болон Орос-Монгол-Хятадын эдийн засгийн коридор байгуулах төслийн хэрэгжилт, түүнчлэн энэхүү ирээдүйтэй форматыг цаашид хөгжүүлэх тэргүүлэх чиглэлүүдийн талаар санал солилцов" гэж тус яам мэдээлсэн байна.

Талууд мөн "уламжлалт найрамдалт, сайн хөршийн харилцаа, иж бүрэн стратегийн түншлэлийн харилцаагаар холбогдсон гурван улсын хамтын хүчин чармайлт нь Азийн бүс нутгийн энх тайван, аюулгүй байдлыг бэхжүүлэхэд чухал хувь нэмэр оруулж чадна" гэдгийг онцлон тэмдэглэжээ.