1. Тарвага нь хэрэмнийхэн овгийн мэрэгч юм. Тарваганы төрөлд нийт 14 зүйлийн тарвага багтана.
2. Манай оронд Алтайн тарвага болон Монгол тарвага гэсэн хоёр зүйл тарвага бий.
3. Монгол тарваганы тархац нутгийн 6 % орчим нь улсын тусгай хамгаалалттай газар нутагт хамрагдаад байна
4. Хулгар шар гэж өхөөрдөх ТАРВАГАНЫ эрийг бурхи, эмийг тарч, үр төлийг нь мөндөл гэх бөгөөд дунджаар 7-13 насалдаг
5. Тарваганы ичээ нүх нь хөрсний хөлдөх гүнээс доор, гүний уснаас дээш орон зайд байрлах агаад тав тухтай, зохион байгуулалт сайтай байдаг.
6. Тарваганы ухсан нүхэнд хярс, үнэг, чоно, зараа, туулай зэрэг олон зүйлийн амьтад үүрлэдэг тул тарвага нь амьдарч буй экосистемийнхээ барилгын инженер амьтан юм.
7. Монгол орны хээрийн экосистем бүрэлдэн тогтох, тогтвортой хадгалагдахад зайлшгүй чухал нөлөөтэй амьтдын нэг нь монгол тарвага юм
8. Тарвага нь хөрсний эргэлтэд чухал нөлөө үзүүлдэг, олон зүйл махчин шувууд, араатан амьтдын идэш тэжээл болдог тул хээр, уулархаг хээрийн экосистемийг бүрэлдэн тогтох, тогтвортой хадгалахад чухал нөлөөтэй амьтны зүйл юм