Оксфордын их сургуулийн Эрүүл мэндийн судалгааны төвөөс Gallup болон НҮБ-ын Тогтвортой хөгжлийн шийдлийн сүлжээтэй хамтран гаргасан Дэлхийн аз жаргалын тайлангаа танилцууллаа. Дэлхийн 147 орны иргэдийг аз жаргалтай эсэхийг судлахдаа эрүүл мэнд, эд баялаг, эрх чөлөө, өгөөмөр сэтгэл, авлигаас ангид байх зэрэг янз бүрийн хүчин зүйлсээр үнэлдэг юм.

Нийгмийн тусгаарлалт, улс төрийн туйлшралын улмаас АНУ-ын аз жаргалын индекс 11 байраар ухарч 24-т бичигдсэн бол Нордикийн орнууд индексийг тэргүүлсэн хэвээр байна. Финланд найм дахь жилдээ инкексийг тэргүүлж Дани, Исланд, Швед, Нидерланд, Коста Рика, Норвеги, Израил, Люксембург, Мексик улсууд удаалжээ.

Афганистан дахиад л хамгийн аз жаргалгүй орноор тодорсон бол түүний өмнө Сьерра-Леон, Ливан, Малави, Зимбабве, Ботсвана, Бүгд Найрамдах Ардчилсан Конго, Йемен, Комор, Лесото зэрэг улсууд оржээ.

Монгол Улсын хувьд Аз жаргалын индексээр 147 орноос 77 дугаарт эрэмбэлэгдэж, өмнөх байраа хадгалж үлджээ.