Америкийн удирдагч Дональд Трамп "Орос, АНУ, Украин хэлэлцээр хийх тухай асуудлыг шийдвэрлэхэд ойртож байж болох ч Вашингтон өнөөгийн нөхцөл байдалд сэтгэл хангалуун бус байна" гэж мэдэгдэв.

Тэрбээр Цагаан ордонд Израилийн Ерөнхий сайд Биньямин Нетаньяхутай уулзах үеэрээ "Бид Оросын болон Украины төлөөлүүдтэй уулзаж байна. Тохиролцоонд хүрэхэд ойртож байгаа ч сүүлийн долоо хоногийн бүх бөмбөгдөлт надад таалагдахгүй байна. Энэ аймшигтай" гэж хэлжээ.

ОХУ-ын төрийн тэргүүний хэвлэлийн нарийн бичгийн дарга Дмитрий Песков даваа гарагт "ОХУ-ын Ерөнхийлөгч Владимир Путин Украинд гал зогсоох саналыг дэмжиж байгаа ч үүнийг хэрэгжүүлэхийн тулд хэд хэдэн асуудлыг шийдвэрлэх шаардлагатай" гэж хэлсэн байна.

Эх сурвалж: TASS
Б.ЖАРГАЛ