“Хөх сувд” мөсний баяр ирэх сарын 2, 3, 4-нд Хөвсгөл нууранд болох юм байна. Тус баяр Хөвсгөл аймгийн Хатгал тосгоны Хүйтолгойд гэх газар болох бөгөөд энэ жил “Гайхамшигт Хөвсгөл” уриан дор зохион байгуулах аж. Түүнчлэн ССАЖЗЯ, Хөвсгөл аймгийн ЗДТГ хамтран зохион байгуулахаар болжээ.

"Хөх сувд" мөсний баярын хүрээнд гүйлтийн тэшүүрийн өсвөр үе, залуучууд, насанд хүрэгчдийн Улсын аварга шалгаруулах тэмцээн зохион байгуулагдах юм байна. Мөн мөсөн шагайн харваа, мөсөн сурын цуваа харваа, мөсөн дээрх "хөгжилтэй волейбол" зэрэг олон тэмцээн зохиогдох юм.