Ө.Энхтүвшин: МҮОНРТ-д төрөөс өгдөг мөнгийг чинь өгөхгүй шүү

Б.Бурмаа / Улстөр
  • 2019-04-19 18:14:55
  • 2019-04-19 18:14:55

    Чуулганы хуралдааныг нээлттэй горимд шилжүүллээ

    photo

    Ерөнхийлөгч Х.Баттулга УИХ-ын чуулганы үдээс хойшхи хуралдаанд хаалттай мэдээлэл хийлээ. Түүнийг эдийн засгийн асуудлаар мэдээлэл хийсэн гэх мэдээлэл байгаа юм.

    Ерөнхийлөгчийн мэдээлэл дуусч хуралдааныг нээлттэй горимд шилжүүллээ. Өнөөдрийн хуралдаан үүгээр өндөрлөж байна.

  • 2019-04-19 16:13:23
  • 2019-04-19 16:13:23

    Ерөнхийлөгч УИХ-ын чуулганы хуралдаанд хаалттай мэдээлэл хийж байна

    photo

    Ерөнхийлөгч Х.Баттулга яг одоо чуулганы танхимд хаалттай горимоор мэдээлэл хийж байна.

    Хуралдаанаар нууцын зэрэглэлтэй олон асуудал ярих аж. Чуулганы хуралдааны танхимы ойр орчимд сүлжээ унагасан бөгөөд гишүүдийг гар утас, таблет ашиглахыг хориглосон байна.

  • 2019-04-19 14:09:29
  • 2019-04-19 14:09:29

    Ө.Энхтүвшин: МҮОНРТ-д төрөөс өгдөг мөнгийг чинь өгөхгүй шүү

    photo

    УИХ-ын чуулганы нэгдсэн хуралдаанаар МҮОНРТ-ийн Үндэсний зөвлөлийн гишүүдийг томилох тухай асуудлыг хэлэлцлээ. Тус зөвлөлийн таван гишүүний бүрэн эрхийн хугацаа дууссан бөгөөд тэдний оронд томилуулахаар Ерөнхийлөгч, Засгийн газраас тус бүр нэг хүнийг нэр дэвшүүлэх бол гурвыг нь УИХ-аас нэр дэвшүүлсэн юм.

    Монгол Улсын Ерөнхийлөгчөөс МУИС-ийн түүхийн тэнхимийн багш, түүх судлаач, төрийн шагналт эрдэмтэн Д.Өлзийбаатарыг, Засгийн газраас Үндсэн хуулийн цэцийн гишүүн асан Н.Жанцанг МҮОНРТ-ийн Үндэсний зөвлөлийн гишүүнд нэр дэвшүүлсэн.

    Харин УИХ-аас МСНЭ-ийн гүйцэтгэх захирлаар ажиллаж байсан сэтгүүлч С.Алтанцэцэг, “Сэтгүүлчийн мэргэжил дээшлүүлэх үндэсний төв” төрийн бус байгууллагын гүйцэтгэх захирал В.Бат-Эрдэнэ, хуульч, өмгөөлөгч Д.Батсүх нарыг нэр дэвшүүлсэн юм. УИХ-ын чуулганы хуралдаанд оролцсон гишүүдийн олонх нь тэднийг дэмжиж МҮОНРТ-ийн Үндэсний зөвлөлийн гишүүнээр томиллоо.

    МҮОНРТ-ийн Үндэсний зөвлөлийн зарим гишүүнийг томилох, чөлөөлөх тухай асуудлыг УИХ-ын өнөөдрийн чуулганаар хэлэлцэж байна.

    Энэ үеэр Шадар сайд Ө.Энхтүвшин “МҮОНРТ гурван зүйл дээр анхаарлаа хандуулахыг хүсэж байна. Нэгдүгээрт, иргэдийн боловсрол, сайн сайхан зүйлийг харуулсан нэвтрүүлгийг гаргадаг баймаар байна. Миний үздэг байсан “Сонирхолтой шинжлэх ухаан” гээд нэвтрүүлэг гарахаа больсон байна лээ. Иргэдэд хар бараан, хэрүүл бус шинжлэх ухааны мэдлэг, боловсрол олгох нэвтрүүлэг ихээр гаргамаар байна. Сэтгүүлчид, телевизүүд улс төр хэрүүл, томилгоо болохоор, авлига хээл хахуулийн хэрэг дээр л шаваад сайн сайхан зүйлийг гаргахгүй байна. Үндэсний телевиз энэ тал дээр үлгэр дуурайл болмоор байна. Бусад телевиз ч яах вэ.

    Хоёрдугаарт төрөөс жилд МҮОНРТ-д 10 тэрбум төгрөг өгдөг. Гэтэл улс төрийн мэдээлэл гаргах гэхээр мөнгө нэхээд байх юм. Халх голын 80 жилийн ойтой холбоотой мэдээллийг гаргах гэхэд 80 сая төгрөг гэж байна. Ингээд байвал улсаас өгдөг мөнгийг чинь өгөхгүй шүү” гэлээ.

  • 2019-04-19 13:23:54
  • 2019-04-19 13:23:54

    ЧУУЛГАН: Уул уурхайн салбарын ГУРВАН хуулийг өөрчлөхөөр хэлэлцэж байна

    photo

    Уул уурхайн салбарын голлох гурван хуулийн өөрчлөлтийг УИХ-ын бүтцийн байгууллагууд хэлэлцэж эхэллээ.

    УИХ-ын ЭЗБХ ашигт малтмалын тухай, газрын тосны тухай, газрын тосны бүтээгдэхүүний тухай хуульд нэмэлт, өөрчлөлт оруулах тухай хуулийн төслийг хэлэлцсэн. Уул уурхайн салбарын хууль эрх зүй давхардал ихтэй байгаа. Салбарын нийт 10 хуульд дүн шинжилгээ хийж, 267 давхардал, 150 зөрчил, 150 хийдэл байгааг Хууль зүй, дотоод хэргийн сайдын тушаалаар байгуулагдсан ажлын хэсэг тогтоосон байдаг. Үүнийг арилгахад энэ удаагийн хуулийн өөрчлөлт тустай гэж УУХҮЯ үзжээ.

    Зарим өөрчлөлтөөс дурьдвал, цацраг идэвхт ашигт малтмалын нөөц ашигласны төлбөр, өсөн нэмэгдэх төлбөрийг тогтоохоор тусгаж өгсөн. Одоо байгаа ордуудын хэмжээнд тооцвол энэ төрлийн АМНАТ-т 200 орчим сая ам.доллар төвлөрүүлэх боломжтой. Энэ нь үнийн өсөлтөөс хамаарч нэмэгдэнэ гэж УУХҮЯ мэдээллээ. Мөн стратегийн орд эзэмшигч нь орон нутгийн Засаг захиргааны удирдлагатай гэрээ байгуулахыг тусгаж өгчээ.

    Газрын тосны бүтээгдэхүүний мэргэжлийн зөвлөл байгуулах, газрын тосны бүтээгдэхүүний үйлдвэрлэл эрхлэх тусгай зөвшөөрөлтэй холбоотой нарийвчилсан журам баталж мөрдүүлэхийг тусгасан. Оны эхний улиралд газрын тосны экспорт 1.6 сая баррель болж, өнгөрсөн оныхтой ойролцоо түвшинд хадгалагдсан. БНХАУ-ын хөрөнгө оруулалттай “Петрочайна Дачин Тамсаг”, “Доншин” компаниуд экспорт хийж байна.

    "Петрочайна Дачин Тамсаг" 2019 онд 1 сая 50 мянган тонн, "Доншин" компани 50 мянган тонныг экспортлохоор төлөвлөсөн. Цаашид олборлолтоо нэмэгдүүлэх зорилгоор хайгуулаа эрчимжүүлэх хүсэлтээ "Петрочайна Дачин Тамсаг" компани гаргасан гэдгийг УУХҮЯ мэдээлсэн. 2019 онд улсын төсөвт газрын тосны салбараас 223.4 тэрбум төгрөгийн орлого төвлөрүүлэхээр зорьж байгаа. Мөн цаашид газрын тос боловсруулах үйлдвэр байгуулж, түүхий эдийг нь дотоодоосоо хангах төлөвлөгөөтэй байгаа тул хууль эрх зүйн зохицуулалтыг нарийвчлан шинэчлэх шаардлагатай гэж үзэж байна.

  • 2019-04-19 12:42:48
  • 2019-04-19 12:42:48

    ЧУУЛГАН: МҮОНРТ-ийн Үндэсний зөвлөлийн гишүүдийг томилох асуудлыг хэлэлцэж байна

    photo

    УИХ-ын чуулганы хуралдаанаар МҮОНРТ-ийн Үндэсний зөвлөлийн зарим гишүүнийг томилох, чөлөөлөх тухай асуудал хэлэлцэж байна.

    Хуулиараа, МҮОНРТ-ийн Үндэсний зөвлөлийн арван таван гишүүнийг зургаан жилийн бүрэн эрхийн хугацаатай, ингэхдээ тэдний дөрвийг нь Ерөнхийлөгчөөс, долоог нь Улсын Их Хурлаас, дөрвийг нь Засгийн газраас нэр дэвшүүлж томилдог.

    Одоогоор тус зөвлөлийн таван гишүүний бүрэн эрхийн хугацаа дуусаад байгаа бөгөөд тэдний оронд томилуулахаар Ерөнхийлөгч, Засгийн газраас тус бүр нэг хүнийг нэр дэвшүүлэх бол гурвыг нь Улсын Их Хурлаас нэр дэвшүүлэх юм.

    Үүний үндсэн дээр:

    -Монгол Улсын Ерөнхийлөгчөөс МУИС-ийн түүхийн тэнхимийн багш, түүх судлаач, төрийн шагналт эрдэмтэн Д.Өлзийбаатарыг,

    -Засгийн газраас Улсын Бага Хурлын гишүүн, Үндсэн хуулийн Цэцийн гишүүн асан, академич, хуульч эрдэмтэн Н.Жанцанг МҮОНРТ-ийн Үндэсний зөвлөлийн гишүүнд нэр дэвшүүлсэн байна.

    Харин Улсын Их Хурлаас нэр дэвшүүлж Үндэсний зөвлөлийн гишүүнээр томилогдсон Л.Пүрэвдорж, С.Мягмар, Д.Гоошоохүү нарын бүрэн эрхийн хугацаа 2018 оны 9 дүгээр сарын 18-ны өдөр дуусгавар болжээ.

    Иймд Улсын Их Хурлаас нэр дэвшүүлж МҮОНРТ-ийн Үндэсний зөвлөлийн гишүүнээр томилуулах гурван квот дээр холбогдох төрийн бус байгууллагуудаас 20-иод хүнийг нэр дэвшүүлж, холбогдох материалыг Төрийн байгуулалтын байнгын хороонд ирүүлжээ.

    Тухайлбал, МОНЦАМЭ агентлагийн ерөнхий захирал, МСНЭ-ийн гүйцэтгэх захирлаар ажиллаж байсан сэтгүүлч С.Алтанцэцэг, МҮОНРТ-ийн Тамгын газрын даргаар ажиллаж байсан Ө.Нарангэрэл, “Цэцэн энтертайнмент” ХХК-ийн ерөнхий продюсер Д.Цоодол, “Сэтгүүлчийн мэргэжил дээшлүүлэх үндэсний төв” төрийн бус байгууллагын гүйцэтгэх захирал В.Бат-Эрдэнэ, “Данистатрейд ББСБ” ХХК-ийн захирал Г.Ариун, Liz төслийн зөвлөх Т.Эрдэнэчимэг, ММ агентлагийн тойм, захирал асан сэтгүүлч Ц.Оюунчимэг, Монголын оюутны спортын холбооны ерөнхий нарийн бичгийн дарга Д.Жаргалсайхан, “Монгол-Украины найрамдлын нийгэмлэг” төрийн бус байгууллагын гүйцэтгэх захирал, сэтгүүлч Г.Сумъяа, яруу найрагч Ж.Баяржаргал, Улсын Бага Хурлын гишүүн асан Б.Пүрэвдорж, дипломатч Г.Сүхээ, МҮЭ-ийн холбооны ерөнхийлөгч Х.Амгаланбаатар, “Хамаг Монгол” төслийн ерөнхий зохицуулагч Б.Батбаяр, МҮОХ-ны ерөнхийлөгч Д.Загдсүрэн, хуульч-өмгөөлөгч Д.Батсүх, инженер-эдийн засагч Л.Болд, хуульч Ц.Одончимэг, “Эрдэнэс-Тавантолгой” хувьцаат компанийн хэвлэл мэдээллийн албаны дарга, сэтгүүлч М.Амарбаяр, инженер-эдийн засагч О.Намбат нарыг холбогдох төрийн бус байгууллагууд нь МҮОНРТ-ийн Үндэсний зөвлөлийн гишүүнд нэр дэвшүүлж, холбогдох танилцуулга материалыг ирүүлсэн байна.

    Байнгын хороо уг асуудлыг хэлэлцэж, нууц санал хураалт явууллаа. Санал хураалтын дүнгээр нэр дэвшигч С.Алтанцэцэг 16, В.Бат-Эрдэнэ 11, Д.Батсүх 9 санал авсан байна. Иймээс 20 нэр дэвшигчээс хамгийн олон санал авсан байна.

    Иймээс чуулганы хуралдаанаар дээрх гурван нэр дэвшигчийг МҮОНРТ-ийн Үндэсний зөвлөлийн гишүүнээр томилуулахаар асуудлыг хэлэлцэж байна. Мөн бүрэн эрхийн хугацаа нь дуусгавар болсон гишүүдийг МҮОНРТ-ийн Үндэсний зөвлөлийн гишүүнээс чөлөөлөх асуудлыг хэлэлцэн шийдвэрлэнэ.

  • 2019-04-19 11:39:33
  • 2019-04-19 11:39:33

    ЧУУЛГАН: Нотариатын хуулийг хэлэлцэж байна

    photo

    УИХ-ын чуулганы нэгдсэн хуралдаан эхэллээ. Хуралдаанаар Нотариатын хуулийн төслийн анхны хэлэлцүүлгийг хийж байна. Хуулийн төслийг ХЗДХ-ийн сайд Ц.Нямдорж танилцуулсан юм.

    2011 онд батлагдсан хуулийг боловсронгуй болгох шинэ шаардлага гарсан учраас энэ удаад өөрчлөлт оруулж байгаа аж. Тухайлбал, нотариатч нар нь хуульч байх, нотариатын үйл ажиллагааг цахимжуулах, шинэ төрлийн нотариатын үйлдэл бий болгож хуульчлах шаардлагатай байгаа юм байна. Хуулийн төсөлтэй холбогдуулан УИХ-ын гишүүд асуулт, тодруулга авлаа.

    Чуулганы хуралдаан үргэлжилж байна.

Сэтгэгдэл

зочин [139.5.218.31] 2019-04-20 10:24:12

Баттулга нууц хуралдаан хийгээд юу нууцлах юм бол,монгол төрд нууцлах зүйл үгүй болсон шүү дээ.төмөр зам,аж үйлдвэр,майдар хот гээд бгаа хий хоосон мөрөөдөлөө нууцлах уу баттулгаа.энэ улсын сан хөмрөг ни алдагдсан хулгайч нарын гарт орчихсон,долларын нөөц,төсөв мөнгөний орлого зарлага чини хулгайч луйварчдын гарт бгаа.дээр ни нэмээд өөрөө хулгайч,луйварчин юуг нууцлах уу.юун нууц хаалттай хуралдаан бэ.ард түмэнээс нууж хааж хулгай,луйвараа ярисан бна билээ.эрдэнэс ТТ 800 гаруй тэрбумыг цуслах гэж хулгай ярисан баттулга новшийг хөөж гарга

Дандар [202.21.108.140] 2019-04-20 08:37:32

10 тэрбум авдаг байж Халхголын тухай нэвтрүүлэгт 80 сая бас авна гэдэг бол шунал хэтэрсэн хэрэг. Монголын гэдэг нэрийг нь Мөнгөний гэж соль. Зөв, сохор зоос бүү өг.

Зочин [150.129.142.113] 2019-04-20 09:59:45

Зөв хажуугаар нь зар сурталчилгаа /реклам/явуулна юу ч битгий хандуул.

Сү. Батболдын эгч Сү.Алтанцэцэгийг сонгоод бгаа юм уу [66.181.182.175] 2019-04-20 08:25:09

Алтанцэцэг нь Сү. Батболдын эгч юм бол болиоч ээ

зочин [139.5.217.223] 2019-04-20 07:55:29

чи тэр телевизыг дарамталж байхаар өгөөмөр захаа нүүлгээчээ ард түмн хордож үхлэээ

Хута [139.5.218.202] 2019-04-20 01:58:05

Телевиз хүнийг хүн байлгахад чиглэсэн үйл ажиллагаа өрнүүлмээр байгаа юм. Даанч тийм зүйл алга даа. Ийм бодолтой хүн энэ томилгооны дотор алга. Өрөвдөлтэй юм. Уншдаг хүн байвал бодоорой. Массад бол ямагт тэнгэр хол, газар хатуу байдаг шүү. Энхтүвшин гуай гайхаш бараад мөнгө өгөхгүй шүү гэж. Энэ бол ажил хийх гэсэн санаа. Оросуудад Телевиз харамлах аргагүй. Санаанд орохгүй юм их байх юмаа.Телевиз Халхын голындайны ялалт болно гэхэд 80 сая төгрөгний төсөл бичээд баяжихыг бодох. . . Хүмүүс минь ажиллаж сураач. Бас амьдрал мэдэх. . .

Зочин [202.21.108.126] 2019-04-20 01:27:16

Энхтүвшин гэж зөнөг өвгөн өмнөх эхнэр шизо Энхтуяаг нь Хятад явуулсангүй гэж радио ТВд мөнгө өгөхгүй хонзогнож байгаа юмуу хаашаа юм.Чи Өгөөмөр захаа гудраад цай зөөгч авгайтайгаа байж байвал барав.Ямар чамаас мөнгө гуйж байгаа биш.

Зочин [66.181.179.93] 2019-04-19 21:36:21

ЗӨВ ЯРИСАН БАЙНА Ш ДЭЭ.МҮОНТР НИЙГЭМЭЭ ЗӨВ ЧИГЛҮҮЛЭХ НЭВТРҮҮЛЭГ ХИЙМЭЭР ЮМ АА.

Зочин [202.55.188.40] 2019-04-19 20:26:40

Харж байна уу? Нѳгѳѳ ялдамхан Тѳвшѳѳ залуу чинь ямархуу янзын панзчин болж хувирч байгааг? Камерыг хэдхэн минут л унтраахад энэ шүү дээ. Иргэдийн татварын мѳнгѳн дээр энэ мэт панзчингууд наймаацаж суудаг байх нь. Тв ѳѳртѳѳ мѳнгѳ хуваарилсаны шанд улс тѳрчдийн суганы үс болж, тэднийг балиашиглаж жишээ нь л гэхэд Тѳвшѳѳгийн дуртай хүүхэлдэйн киног давтан гаргаж байх үүрэг хүлээж байна. Тэгээд л Халх голын ой, их ѳр тѳлсѳнийг сонсоод баярлаж уйлсан ѳвгѳн теле жүжиг, Эрдэнэтийг нийгэмчилсэн нь, Хужаагийн уурхайг дээрэмдэж байгаа нь баримтат кино, бүх юм ок, ждүчдийн буян, 60 тэрбумын ханагарууд, бандаашаа мартаад цолмон гаргаад мордлоодоо хѳ концерт, сайхан монгол улс тѳрч, шударга Нямка гэсэн нэвтрүүлгүүдийг зогсоо зайгүй хѳвүүлж байх учиртай гэнэ. Нийгмээр дүүрэн бухимдал, зѳрчил байгааг ингэж л дарах гэнэ дээ.

МАНАН арилаасай [43.242.243.33] 2019-04-19 20:23:27

МАНАН 60 тэрбум Миеэ Эбэгийн гар хөл биш бол жоохон хүүхэд байсан ч болно. Төрийн албанд мянга мянган хурган даргаар МАНАН-гийн мөнгөний газайнууд чихээстэй байна яах бэ хэзээ шинэчлэл өөрчлөлт хулгайч алуурчин луйварчидаа цэвэрлэх үү

Зочин [150.129.143.204] 2019-04-19 18:52:10

ҮНЭН ЮМ УУ???

Зочин [202.9.43.217] 2019-04-19 18:45:47

Сү.Алтанцэцэг авгай ич зайл гичий минь

Зочин [150.129.143.204] 2019-04-19 18:51:45

ЯАГААД ВЭ???

Зочин [59.153.113.165] 2019-04-19 14:24:05

их авилгач С.БАТБОЛДЫН эгчийг болимоор одоо Монголчуудаа. 30 гэр булээсээ салаач


14 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
14 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.