БНАСАУ Япон тэнгис рүү дахин пуужин харважээ

Д.Тулга / Гадаад мэдээ

БНАСАУ-ын зүүн эргээс ямар ангиллынх нь тодорхойгүй хоёр пуужин харвалаа гэж “Yonhap” агентлаг БНСУ-ын Штабуудын дарга нарын хорооны мэдээллээс иш татан уламжилжээ.

Пуужингуудыг Канвондо мужийн Тончон хошуунаас Япон тэнгис рүү харвасан байна. БНСУ-ын Штабуудын дарга нарын хороо одоогоор пуужин харвасантай холбоотой мэдээллийг судалж байгаа аж.

АНУ, БНСУ-ын цэргийн хамтарсан сургууль дуусах хүртэл БНАСАУ-ын пуужингийн туршилт үргэлжлэх магадлал өндөр байгааг Японы Батлан хамгаалах яам өмнө нь анхааруулж байжээ.

Пёньян сүүлийн гурван долоо хоногт зургаа дахь удаагаа пуужин туршсан нь энэ юм. Хамгийн сүүлд наймдугаар сарын 10-нд пуужин харвасан билээ. Тухайн үед Япон болон БНСУ-ын цэргийнхний мэдээлж байснаар, БНАСАУ ойрын тусгалтай хоёр баллистик пуужин харвасан бөгөөд пуужингууд 450 орчим км ниссэн байна.

Умар Солонгосын харвасан пуужингууд Япон улсын эдийн засгийн онцгой бүсэд хүрээгүй гэж Kyodo агентлаг тус улсын Засгийн газар дахь эх сурвалжийн мэдээллийг иш татан уламжилжээ.

БНАСАУ-ын нутаг дэвсгэрээс пуужин харвасантай холбоотойгоор АНУ-ын эрх баригчид нөхцөл байдлыг ажиглаж байгаа бөгөөд энэ асуудлаар БНСУ болон Япон улстай нягт зөвлөлдөж байна гэж тус улсын засаг захиргааны өндөр албан тушаалын төлөөлөгч мэдэгдсэн байна.

Эх сурвалж: Монцаме


Сэтгэгдэл

Зочин [202.9.43.25] 2019-08-16 10:44:24

Бүдүүн дарангуйлагч пуужин харваж сүрдүүлэхээс өөр юу ч хийж чадахгүй аймхай амьтан. Чаддаг юм бол Вашингтон, Сөүл Токио дээрээс пуужин харваач

бц [103.10.23.113] 2019-08-16 20:03:28

Эх орноо хамгаалах гэж зэвсэг туршаж байна Тэгш эрх гэдэг зөвхөн зэвсгэлсэн хүмүүсийн дунд л жэнхэн тэгш оршож байдаг Зэвсэгтэй хүчтэй хүний дэргэд зэвсэгүй хүн тэгш эрх ярих нь хоосон зүүль Эрх мэдэлтэй хүний дэргэд эрх мэдэлгүй хүн тэгш эрх шудраг ёс ярих нь хоосон зүүль гэдгийг Монголчууд өнөөдөр биеэрээ мэдэрч байгаа шиг зүүль


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.