“Chandrayaan-2” Сарны тойрог замд амжилттай нэвтэрчээ
Энэтхэгийн сар судлах “Chandrayaan-2” төхөөрөмж Сарны тойрог замд өнөөдөр амжилттай нэвтэрсэн талаар тус улсын Сансар судлалын агентлаг мэдээлжээ.
Өнгөрсөн долдугаар сарын 22-нд “Chandrayaan-2” төхөөрөмжийг тээсэн “GSLV Mark 3” пуужин Бенгалын булан дахь Шрихарикота арлын сансрын буудлаас хөөрсөн юм. Уг төхөөрөмжийн “Vikram” нэртэй газардагч ирэх есдүгээр сарын 7-нд Саран дээр газардах оролдлого хийнэ. Энэ сарын эхээр “Chandrayaan-2” анхны зургуудаа илгээсэн байна.
“Chandrayaan-2” даалгавраа амжилттай биелүүлсэн тохиолдолд Энэтхэг нь АНУ, ОХУ, БНХАУ-ын дараа дэлхийн дагуул дээр төхөөрөмжөө амжилттай газардуулсан дөрөв дэх улс болох юм.
Эх сурвалж: Монцамэ
Сэтгэгдэл
Зочин [172.56.12.25] 2019-08-20 12:59:32
Sarnii toirog zamiig nevtersen bol sarnii gadarguu deer unadagiin bishuu tenegee sarnii toirog zamd orson gedgiin malaa