Энэтхэг улсын нийслэлд үйл ажиллагаа явуулдаг цүнхний үйлдвэрт ням гарагт гал гарчээ. Үйлдвэр шатах үед барилга дотор 100 гаруй хүн байсан бөгөөд 43 хүн амь үрэгдэж, 60 орчим хүнийг аварсан байна. Гал барилгын доод хэсгээс эхлэн асч, хормын төдийд ажилчдын унтаж байсан гуравдугаар давхарт хүрсэн байна. Барилгад байсан гэрчийн ярьснаар түүнийг сэрэхэд хүмүүс энд тэнд уйлж, тусламж дуудан хашгирч байсан гэжээ.

Орон нутгийн гал түймэртэй тэмцэх албаны мэдээлснээр үйлдвэр галын лицензгүй ба хууль бусаар үйл ажиллагаа явуулж байжээ. Галын шалтгаан тодорхойгүй, мөрдөн шалгах ажил үргэлжилж байна. Анхан шатны дүгнэлтээр цахилгааны массаас болж түймэр ассан байж болзошгүй талаар эх сурвалжууд мэдээлжээ.

Эх сурвалж: www.bbc.com