Гамшгаас хамгаалах өндөржүүлсэн бэлэн байдлын зэрэгт шилжсэнтэй холбогдуулан шинэ төрлийн коронавирус /covid-19 / халдвараас урьдчилаөн сэргийлэх зорилгоор сар шинийн баярыг хязгаарлаж аймаг, сумын төвөөс гарах, орох, иргэдийн болон тээврийн хөдөлгөөнийг 2020 оны 2 дугаар сарын 23-ний 08:00 цагаас 2020 оны 2 дугаар сарын 27-ны 08:00 цаг хүртэл түр хугацаагаар зосгоох тухай аймгийн Засаг даргын 2020 оны 02 дугаар сарын 21-ний өдрийн 01-А/71 дугаар захирамж гарлаа.

УОК-ын тавдугаар хуралдаанаас гарсан шийдвэр 2020 оны хоёрдугаар сарын 23-ны 08:00 цагаас 27-ны өглөөний 08:00 цаг хүртэл улс, хот хоорондын зорчигч тээврийн хөдөлгөөнийг хааж, хязгаарлахаар болсон билээ.

21 аймаг, нийслэл хотоос гарч, орох автозамын гол уулзвар, гарц, баталгаат бус замуудад тээврийн хэрэгслийн хөдөлгөөнийг хязгаарлана. Нийт 51 цэгт цагдаагийн байгууллагаас хяналт шалгалтыг холбогдох мэргэжлийн байгууллагуудтай хамтран хийнэ.

Зам хаах шийдвэр гарсантай холбоотойгоор иргэд, жолооч та бүхэн баталгаагүй зам, замгүй газар, уул хадаар зорчиж өөрийн болон гэр бүлийнхнийхээ эрүүл мэндэд эрсдэл учруулахгүй байхыг зөвлөж байна. Ойрын өдрүүдэд ихэнх нутгаар цасан шуурга шуурч, халтиргаа гулгаа үүсэн замын нөхцөл байдал хүндэрч болзошгүй байгааг сэрэмжлүүлье.

Сар шинийн баярыг тэмдэглэхгүй байх төр засгийн шийдвэр гарсан учраас өргөн дэлгэр золголт хийхгүй байх, уул хаданд гарахгүй байхыг анхааруулж байна.

Эх сурвалж: Дархан-Уул аймгийн ЗДТГ