ХӨСҮТ-ийн Тандалт судалгааны албаны дарга А.Амбасэлмаа "ХӨСҮТ, Дархан-Уул аймаг дахь лабораторид нийт 592 хүнд шинжилгээ хийхэд коронавирус илрээгүй. Өнөөдөр 3 хүн эдгэрч ХӨСҮТ-өөс гарч дараагийн сувилалд шилжлээ. Үүний хоёр нь энхийг сахиулагч, нэг нь жолооч байна.

Улсын хэмжээнд батлагдсан тохиолдол 293 байгаа ба 263 нь эдгэрсэн бөгөөд 47 хүн сувиллын ажиглалтад, 23 хүн гэрийн тусгаарлалтад, 193 хүний ажиглалт тандалтын хугацаа дууссан байна. ХӨСҮТ-ийн клиникт 30 хүн эмчлэгдэж байгаагаас нэг хүний биеийн байдал хүндэвтэр байна. Тусгаарлалтад байгаа нэг хүний биеийн байдал маш хүнд хэвээрээ эрчимт эмчилгээ хийгдэж байна.

Өнөөдөр үүрээр 06 цагт Франкфурт Улаанбаатар чиглэлийн онгоцоор 260 хүн ирэхэд ХӨСҮТ-д тусгаарлагдсан хүн байхгүй.