Д.Трамп, Жо Байден нарын халз мэтгэлцээн микрофоны дууг хаах горимоор явагдана

Aдмин / Гадаад мэдээ

Ирэх сарын 3-нд АНУ-ын ерөнхийлөгчийн сонгууль болно. Уг сонгуульд нэр дэвшигчдийн сүүлчийн халз мэтгэлцээн пүрэв гаригт болох юм. Энэ нь Улаанбаатарын цагаар баасан гаригт Тенниси муж улсын Навилл хотноо зохион байгуулагдах юм. Д.Трамп, Жо Байден нар зургаан сэдвээр тус тус 15 минутын хугацаанд мэтгэлцэх юм байна. Урьдах мэтгэлцээний үеэр АНУ-ын ерөнхийлөгч Д.Трамп өрсөлдөгчийнхөө яриаг тасалж байсан зэрэг нэлээд асуудал гарч байжээ. Тиймээс энэ удаад сэдэв тус бүр дээр нэр дэвшигчид байр сууриа илэрхийлэх үед эхний хоёр минутын хугацаанд өрсөлдөгчийнх нь микрофоныг хаах гэнэ. Үүний дараа нэр дэвшигчдэд чөлөөтэй мэтгэлцэх боломж олгох аж. Энэ удаагийн мэтгэлцээнээр ковидын цар тахалтай тэмцэх байдал, уур амьсгалын өөрчлөлт, арьс өнгөөр ялгаварлан гадуурхах үзэл, үндэсний аюулгүй байдал, гадаад, дотоод бодлого зэрэг асуудлыг хөндөх тухай онцолж байв. Гэвч сүүлчийн халз мэтгэлцээнд гадаад бодлогын асуудлыг хассан явдалд Д.Трамп харамсаж буйгаа илэрхийлжээ. Тэрбээр “Сэдвийг өөрчилсөн нь шударга бус байна. Хөтлөгч, зохион байгуулагчид нөгөө талд хэт үйлчилж байна” гэжээ.


Сэтгэгдэл

Зочин [202.9.46.8] 2020-10-21 21:37:05

Америкчуудын олонхи нь ардчилал эрх чөлөөг биш, америкийг дахин агуу болгохыг хүсч байна. Америкчууд ардчилал эрх чөлөөнөөс залхаж уйдсан бололтой.


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.