Энэ жил монголчууд хүнд сорилтыг туулж байна. Бидний цөөхөн монголчууд уг нь сайхан амьдрах боломж байгалийн баялгаас хувь хүртэх эрх бидэнд бий. Гэтэл харалган төрийн бодлогын улмаас улс төрд гарсан улс төрчдийг угжиж баяжуулаад, ард түмэн харин амьдрал нь дээсний дөрөөн дээр гуйлгачин мэт амьдарч байна. 2021 оны төсөв маш муу төсөв. Яагаад гэвэд Ковид цар тахлын үед ард иргэд рүүгээ чиглэсэн бодлого “түй” ч байхгүй. Яагаад гэж үү, яагаад гэвэл ЖДҮ-д зориулж 0 төгрөг төсөвлөсөн. Жижиг дунд бизнес эрхлэгчидээ өлбөрч үх гэснээс ялгаагүй төсвийг МАН-ын 62 гишүүн 11 сарын 13-ны өдөр баталчихлаа. ЖДҮ-чдээ дэмждэггүй төр гэж байна гэвэл үнэхээр харамсалтай. Дэлхийн улс орнууд яааг манай улсаас эсрэгээр нь ЖДҮ-д хийх хөрөнгө оруулалт төсвөө тэлж байхад бид танаад 0 төгрөг болгож байдаг. Учир нь 2016-2020 оны хооронд УИХ-д сууж байсан эрхэм гишүүд ЖДҮ-ээс хулгай хийж баригдсан. УИХ-ын гишүүн хэн боловч дахин ЖДҮ-ээс хусч чадахгүй болтол нь ард түмэн үзэн ядсан юм. Тиймээс энэ удаагийн УИХ-ын шинэ гишүүд өөрсддөө ашиггүй зүйлд хумсалж чадахгүй зүйлд мөнгө суулгахыг хүссэнгүй. Яагаад 2021 оны төсөвт суусан 149 төсөл хөтөлбөрийг царцааж, үүнд төсөвлөсөн 405 тэрбум төгрөгийг ЖДҮ-д оруулаагүй юм бэ гишүүд ээ. Энэ төсөвт суусан барилга обьект, замын концессууд дандаа УИХ-ын гишүүдэд ашигтай учраас үхэл тэмцлийн зааг дээр байгаа энэ цагт соёлын төв, спорт цогцолборт 405 тэрбум төгрөгийг төсөвлөсөн. Үнэхээр ард иргэд рүүгээ чиглэсэн бодлого явуулах хүсэлгүй, ард түмнийг ядуу байлгах хүсэлтэй байдаг УИХ-д суусан олигархууд сонгуулиар 20-50 мянган төгрөгөөр санал худалдаж авдаг тэр тогтолцоогоо халахыг хүсэхгүй байна. Иймээс ч гараа кармаандаа халаасалж сууж чаддаггүй ЖДҮ-чиддээ цаазын ял оноосон монгол төрд суусан эрхмүүд хичнээн өрөвдөлтэй бас хичнээн харамсам бэ.