Хүнд суртал, чирэгдлийг арилгах тухай саналыг 1800-1200 дугаарт авч эхэллээ

Aдмин / Хууль

Нийслэлийн Лавлагаа, мэдээллийн 1800-1200 тусгай дугаар нь нийслэлийн нутгийн захиргааны байгууллагуудаас иргэн, хуулийн этгээдэд үзүүлж буй төрийн үйлчилгээ болон “Ковид-19” цар тахалтай холбоотой мэдээ, мэдээллийг 24 цагийн турш иргэдэд тасралтгүй өгч, шуурхай үйлчилгээ үзүүлэн ажиллаж байна. Нийслэлийн Үйлчилгээний нэгдсэн төв /НҮНТ/-ийн дарга Б.Ууганбатаас зарим зүйлийг тодрууллаа.

-Нийслэлийн Лавлагаа, мэдээллийн 1800-1200 тусгай дугаарын ачаалал хэр байна, энэ долоо хоногт хэдэн дуудлага хүлээж авсан бэ?

-Нийслэлийн Засаг даргын Тамгын газрын нийслэлийн Үйлчилгээний нэгдсэн төвөөс төрийн 49 байгууллагын 452 нэр төрлийн үйлчилгээг иргэн, хуулийн этгээдэд нэг дороос шуурхай үзүүлэн ажиллаж байна. Энэ онд л гэхэд 1 446 801 үйлчилгээг иргэн, хуулийн этгээдэд үзүүлсэн байна. Мөн тус төвийн дэргэдэх Лавлагаа, мэдээллийн 1800-1200 тусгай дугаарт 2021 оны арваннэгдүгээр сарын 24-ний өдрөөс арванхоёрдугаар сарын 01-ний өдрийн хооронд нийт 1003 иргэн хандаж, мэдээ мэдээлэл авсан байна. Нийт дуудлагын хүлээлгийн дундаж хугацаа 10 секунд, иргэнтэй ярьсан дундаж хугацаа 1 минут 45 секунд байна.

Иргэд дархлаажуулалтын болон ковидын шинжилгээний байршил, ажиллах цагийн хуваарийн талаарх нарийвчилсан мэдээллийг 1800-1200 тусгай дугаарын утас, “Нийслэлийн мэдээ” фэйсбүүк хуудасны чатботоос авах боломжтой.

-Нийслэлийн Лавлагаа, мэдээллийн 1800-1200 тусгай дугаарын үйл ажиллагаатай холбоотой иргэдэд өгөх ямар мэдээ, мэдээлэл байна вэ?

-Иргэд, аж ахуйн нэгжүүдийг дэмжиж бизнес эрхлэх таатай орчныг бүрдүүлэх, эдийн засгийн сэргэлтийг эрчимжүүлж, төр, хувийн хэвшлийн түншлэлийг бэхжүүлэх, цар тахлын нийгэм, эдийн засагт үзүүлж буй сөрөг нөлөөг бууруулах зорилгоор нийслэлийн Засаг даргын 2021 оны арваннэгдүгээр сарын 29-ний өдрийн А/929 дүгээр захирамжаар Ажлын хэсэг байгуулагдан ажиллаж байна. Тус Ажлын хэсэг нь Үндэсний аюулгүй байдал, хүний эрүүл мэнд, хүрээлэн байгаа орчинд хохирол учруулж болзошгүй, онцгой нөхцөл, нарийн мэргэжил шаардах зарим үйл ажиллагаа эрхлэхэд олгохоор хуульд зааснаас бусад нийслэлийн нутгийн захиргааны байгууллагуудаас олгодог бүх төрлийн зөвшөөрөл, төрийн үйлчилгээнд хүнд суртал, шат дамжлага бий болгож буй захиргааны актуудыг хүчингүй болгох, өөрчлөх талаар санал боловсруулж, танилцуулах үүрэгтэй юм.

Ажлын хэсгээс хэд хэдэн чиглэлээр тодорхой арга хэмжээ авч ажиллаж байгаа бөгөөд үүний нэг нь төрийн үйлчилгээний хүнд суртал, чирэгдлийг арилгах, хуульд зааснаас бусад нийслэлийн нутгийн захиргааны байгууллагуудаас олгодог бүх төрлийн зөвшөөрлийг хүчингүй болгоход жижиг, дунд үйлдвэр, худалдаа, үйлчилгээ эрхлэгч иргэд, аж ахуйн нэгж, байгууллага болон мэргэжлийн холбоо, төрийн бус байгууллагуудын оролцоог ханган, тэдгээрийн саналыг сонсох зорилгоор нийслэлийн Лавлагаа, мэдээллийн 1800-1200 тусгай дугаараар иргэдийн санал, мэдээллийг хүлээн авч байна.


Сэтгэгдэл

зочин [192.82.91.143] 2021-12-07 02:32:13

Түгжрэл хүнд суртал үүсгээд болохоо байлаа. Бад 2025 он яриад зам тавина гээд хүлээвэл маргааш тэг зогсолт хийхнэ ээ. ЗХД -ээ өөрчлөх юм уу мөрдмөөр. Зохион байгуулалтын арга хэмжээ авмаар байна.

ЗОЧИН [202.126.88.132] 2021-12-04 04:50:55

САНАЛ АВАХ ЯАХ ВЭ САНЛЫН ДАГУУ ШУУРХАЙ АРГА ХЭМЖЭЭ АВДАГ БАЙХ Л ЧУХАЛ ШҮҮ ДЭЭ

Зочин [103.212.119.46] 2021-12-03 13:54:57

Хүнд суртал арилж байгаа юм биш, харин ихсэж байгаа. Нэг жишээ гэхэд ачыгаа хүүхдийн мөнгө олгуулах бүртгэлд оруулах санаатай СХД - ийн 17 - р хороон дээр очоод "Энэ хүүхдийн мөнгийг хөөцөлдөх итгэмжлэлээ авч ир" гээд гаргалаа. Баахан лавлах утасны дугаар, гэтэл автомат хариулагч дээр тавьчихаад таг, зарим нь "холбогдох боломжгүй" болж таарна. Хотын лавлах гээд байгаа нь зүгээр л хэдэн хамаатнаа тэжээхээр гаргасан хэрэг болов уу

Зочин [103.80.210.183] 2021-12-03 09:20:57

утсаар аваад яадаг юм. зүгээр олны саналаар цаазлах хүмүүсээ зарлаад цаазала. улаан эби самар сумт гээд захаар нэг хөглөрсөн цаазлуулах хүүрнүүд байна

Зочин [66.181.161.3] 2021-12-03 04:59:53

Амтай болгон л ярьдаг,хүнд суртал арилгана л гэдэг АРИЛСАН юм нь ердөө 000 байдаг.Ам ажлын нэгдэл хангая гэж дээхнэ их ярьдаг байж билээ.Одоо тэр үгийг дахин дахин давтмаар санагдлаа.Төр түшигчид минь.


5 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
5 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.