АТГ: Хөрөнгө, орлого нь хэт өссөн 20 албан тушаалтныг нарийвчлан шалгана

Aдмин / Хууль

Авлигатай тэмцэх газрын Хяналт шалгалт, дүн шинжилгээний хэлтэс нь 2021 оны 11 дүгээр сарын 29-нөөс 12 дугаар сарын 3-ны өдрүүдэд нийтийн албанд томилогдохоор нэр дэвшсэн 286 иргэний хувийн ашиг сонирхлын урьдчилсан мэдүүлгийг шалган, 113 мэдүүлгийг хянан шийдвэрлэлээ. Одоогоор ажиллагаанд 173 нэр дэвшигчийн урьдчилсан мэдүүлэг хянагдаж байна.

Өнгөрсөн долоо хоногт иргэн, аж ахуйн нэгж, байгууллагаас ирүүлсэн нийтийн албан тушаалтны авлига, ашиг сонирхлын зөрчилтэй холбоотой 52 гомдол, мэдээллийг хүлээн авч шалгаснаас 7 гомдол, мэдээллийг хянан шийдвэрлэлээ.

Төлөвлөгөөт хяналт шалгалтын хүрээнд 114 албан тушаалтны хувийн ашиг сонирхлын болон хөрөнгө, орлогын мэдүүлгийг шалгаж, 4 мэдүүлгийг хянан шийдвэрлэжээ. Одоогоор 110 албан тушаалтны хөрөнгө, орлогын болон хувийн ашиг сонирхлын мэдүүлгийг шалгаж байна.

Хөрөнгө, орлого нь хэт өссөн талаарх мэдүүлэг гаргасан 20 албан тушаалтан хууль тогтоомжийн дагуу холбогдох татвар, хураамжаа төлсөн эсэхэд хяналт хийлгэхээр Татварын ерөнхий газартай хамтран хяналт шалгалтын ажлыг хийж байна.

Төрийн болон төрийн өмчийн оролцоотой компани, аж ахуйн нэгж, түүний харьяа хараат болон охин компани, нийт 74 хуулийн этгээдийн бүтэц, орон тоо, нийт ажилтнуудын ажлын байрны чиг үүрэгт дүн шинжилгээ хийхэд авлига, ашиг сонирхлын зөрчилд өртөх эрсдэлтэй 329 албан тушаалтан байсан тул тэднийг Авлигын эсрэг хуулийн үйлчлэлд хамруулж, ХАСХОМ гаргавал зохих албан тушаалтнаар тодорхойлох чиглэлийг холбогдох төрийн байгууллагуудад хүргүүллээ.


Сэтгэгдэл

Зочин [66.181.161.85] 2021-12-11 01:16:47

Илэрүүлснн хэргийг хөнгөн хэлбэрээр шийдээд бга Тэр хүмүүстэй авилгалтай тэмцэх газар эргээд Хариуцлага тооцдог механизм боловслруулах Хэрэгтэй гэхдээ энийг төрчид хэзээж хийхгүй яагаад гэхээр төрчид өөрсдөө хууль бусаар хөрөнгөжсөн учир Авлига бол мөнхөд бна

Зочин [202.126.90.79] 2021-12-07 07:45:48

Орон нутгийн сургууль, цэцэрлэгийн эзэн гэгддэг захирал эрхлэгчдийг хүүхдүүдийн ар гэрээс идэш хоол, цагаан идээ их багаар авдагыг авлига гэж харах хэрэгтэй.

Зочин [66.181.161.35] 2021-12-07 06:59:32

АТГ хирэндээ гайгүй ажиллаж байна гэж хувь хүний хувьд бодогддог.Даанч эрх мэдэл нь хангалтгүй,шалгаад эцэслээд өгсөн хэргүүдийг нь Шүүх,Прокурор нь хэрэгсэхгүй болгодог,зүйлчлэлийн өөрчилдөг,хөнгөрүүлдэг гм тэдний ажлын үр дүнг баллуурдаад байх юм.Иймд хуулийн дахин харж эрх мэдлийг нь нэмэгдүүлмээр санагдаж байгаа юм.Сүрхий шалгаад илрүүлээд өгдөг албан тасалгаанаас нь гэрээс нь,оймсноос нь олон зуун саяар Авлигын мөнгө илрүүлээд өгөхөд тэр нь дараа нь торгосон болоод өнгөрч байгаа нь яаж хүн амьтанд дохио санамж болох вэ? Авлига чинь яаж буурах вэ?


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.