"Тавантолгой түлш"-ийн М.Ганбаатар "хариуцлагын жагсаалт"-д нэмэгдлээ

Aдмин / Хууль

Хотынхон маань хоёр, гурван жилийн өвлийг утаа багатай өнгөрөөсөн. Энэ өвөл тэгсэнгүй. Утаа гэнэт нэмэгдсэний хариуцлагыг Ерөнхий сайд албан тушаалтнуудтайгаа тооцож байна. БОАЖЯ-ны удирдлагыг багаар нь солив. МХЕГ-ын даргыг шилжүүлэн томиллоо. Хотын дарга ч утаа хариуцсан орлогчоо, агаар орчны бохирдол хариуцсан агентлагийн даргын хамт чөлөөлжээ.

Ер нь бол хотын утаа нэмэгдсэнтэй холбоотойгоор албан тушаалаа орхих хүмүүсийн жагсаалт үргэлжлэх юм байна. Учир нь энэ жил хотын утаа яагаад нэмэгдсэн бэ гэдгийн учир шалтгаан одоо л тодорч буй бололтой.

Хотынхныг түүхий нүүрснээс салгаж, шахмал түлш түлүүлэх засгийн бодлого 2019 онд гарсан. Тэр жилийн намар аравдугаар сараас нь одоогийн энэ “Тавантолгой түлш” ХХК-ийн хийсэн сайжруулсан шахмал түлш худалдаанд гарч, хотынхны түлээ болж эхэлсэн түүхтэй.

Тэр түлшнийх нь 95 хувийг “бүтээдэг” түүхий эд болох мидлинг буюу угаасан эрчим хүчний нүүрсийг “Энержи ресурс” компани “...Нийгмийн хариуцлагын хүрээнд таван жилийн хугацаатай нийлүүлнэ” гэж гэрээ байгуулсан байдаг. Одоо гурав дахь жилдээ нийлүүлж байна.

Тодруулбал, тухайн үед “Энержи ресурс” ХХК-д хандсан Засгийн газрын албан бичгүүд цахим сүлжээнд тарсан. 2018 оны нэгдүгээр сарын 26-нд ЭХЯ-ны Түлшний бодлогын хэрэгжилтийг зохицуулах газрын дарга Н.Болдхүү “Дэмжлэг хүсэх тухай” 4/333 дугаартай бичиг, дөрөвдүгээр сарын 22-нд Ерөнхий сайдын Ажлын албаны дарга бөгөөд ахлах зөвлөх Б.Энх-Амгалан “Хүсэлт гаргах тухай” Х/260 дугаартай бичиг, 2018 оны тавдугаар сарын 15-нд Эрчим хүчний сайд Ц.Даваасүрэн “Гэрээ байгуулах тухай” 0/1780 дугаартай албан тоот, 2018 оны долдугаар сарын 2-ны “Тавантолгой түлш” ХХК-ийн захирал М.Ганбаатар “Гэрээ байгуулах тухай” 01/32 дугаартай бичиг, 2018 оны аравдугаар сарын 19-нд БОАЖ-ын сайд, Агаарын бохирдлыг бууруулах үндэсний хорооны дарга Н.Цэрэнбат “Төлөвлөгөө ирүүлэх тухай” 2018/185 дугаартай бичгийг тус тус “Энержи ресурс” ХХК-д илгээжээ.

2019 оны аравдугаар сарын 10-нд “Энержи ресурс” ХХК албан ёсоор тайлбар гаргасан. Түүндээ “…Төр, засгийн удаа дараагийн хүсэлт, шаардлагын дагуу нийт 800 мянган тонн угаасан эрчим хүчний нүүрсийг 100 хувь төрийн өмчит “Тавантолгой түлш” ХХК-д үнэ төлбөргүйгээр нийлүүлсэн” Мөн тус компанийн захирал Г.Батцэнгэл “…Засгийн газрын хүсэлтийн дагуу манай компани угаасан эрчим хүчний нүүрс үнэ төлбөргүй “Тавантолгой түлш” ХХК-д нийлүүлсэн. Өөрийн цахилгаан станцад ашигладаг, дотоодын цемент шохойны үйлдвэрт нийлүүлдэг, мөн Хятад руу экспортод гаргаж борлуулдаг өндөр илчлэгтэй эрчим хүчний нүүрс юм” гэж “жиргэсэн” байдаг.

Харин энэ жилийн тухайд тус компаниас ирж байгаа мидлинг нь асуудалтай байгаа тухай эх сурвалжууд жиг жуг хийгээд эхэллээ.

Урьд жилүүдэд дээр хэлсэнчлэн баяжуулсан эрчим хүчний нүүрс өгдөг байжээ. Тэр нь илчлэгийн хувьд 6000-аас дээш калоритай байжээ. Харин энэ жил угаагаагүй, түүхий нүүрс ирэх болсон аж. Түүхий нүүрсний чулууг шигшихээс эхлээд ажил нэмэгдэж, тэр хэрээр чанарын асуудал яригдаж эхэлсэн байна. Хамгийн гол нь илчлэгийн тухайд 4000 калориос дээшлэхгүй болсон байгаа юм.

Хотын утаа нэмэгдсэний гол шалтгаан нь энэ болчихсон бололтой юм. Гэтэл “Тавантолгой түлш” ХХК-ийн захирал М.Ганбаатар л гэхэд энэ талаар “дээш” нь, олон нийтэд хэлж чадаагүй байна. Айгаад, бас мидлинг үнэгүй өгч байгаа “Энержи ресурс”-ийг гомдоочихно гэж үздэг ажээ. Гэхдээ “...Угаагүй нүүрсээр түлшээ хийдэг болсон. Тэрнээс болсон гэж хардаж байгаа” гэж өөрөө ярина лээ. Гэсэн атлаа “...Үнэ хөнгөлснөөс болоод айлууд асар ихээр нь авч түлээд утаа нэмээд байна” гэх хөгийн мэдээлэл илгээж, сая Н.Уртнасан сайд л гэхэд тэрэнд нь итгээд “..Дрон нисгэж хянана” гэж мэдэгдээд айл руу зөвшөөрөлгүй орсон гэх мэтээр “обьект”-оо буруу сонгож дайраад уначихлаа.

М.Ганбаатарт янз бүрийн ашиг сонирхол, ярихгүй байх шалтгаан байсан гэж бодъё. Тэгвэл шахмал түлшний ийм түүхий эд буюу мидлинг ирээд байхад хяналт тавих ёстой субьектууд нь юу хийж байсан бэ гэдэг асуулт гарч ирнэ.

Орчны бохирдлыг бууруулах үндэсний хорооны дарга Н.Уртнасанг сая чөлөөллөө. Н.Уртасангийн хувьд үндэсний хорооны даргын хувиар “Агаарын бохирдлыг бууруулах уур амьсгалын өөрчлөлт хөтөлбөр”-ийн төсвөөс шахмал түлшний үйлдвэрлэл, хяналт зэрэгт хангалттай мөнгө шийдэж өгчээ.

Тухайлбал, 2021 оны дөрөвдүгээр сарын 9-ний өдрийн А/12 дугаар тушаалын Нэгдүгээр хавсралтаар 49.2 тэрбум төгрөг гаргасан байна.

- МХЕГ-ын дарга Т.Гантулгын мэдэлд “...Түүхий нүүрсийг хориглох шийдвэрийг хэрэгжүүлэх хүрээнд Улаанбаатар хот руу орох гол чиглэлийн замууд дээр хяналт тавих, агаар бохирдуулах эх үүсвэрт хяналт тавихад дэмжлэг үзүүлэх” чиглэлтэйгээр 1.139.960.000 /Нэг тэрбум нэг зуун гучин есөн сая есөн зуун жаран мянга/ төгрөг,

-Эрчим хүчний сайд Н.Тавинбэхийн мэдэлд “...Гэр хорооллын өрхийн цахилгааны шөний тарифийн хөнгөлөлтөд шаардагдах санхүүжилт” болох 15.853.100.000 /Арван таван тэрбум найман зуун тавин гурван сая нэг зуун сая/ төгрөг,

-“Тавантолгой түлш” ХХК-ийн М.Ганбаатарын мэдэлд “...Шаардлага хангасан сайжруулсан шахмал түлшний үйлдвэрлэлд дэмжлэг үзүүлэх” зориулалтаар 26.012.200.000 /Хорин зургаан тэрбум арван хоёр сая хоёр зуун мянга/ төгрөг,

-Нийслэлийн Засаг дарга Д.Сумьяабазарын мэдэлд “...Орчны бохирдол бууруулах ажилд иргэдийн оролцоог нэмэгдүүлэх, сайжруулсан шахмал түлшний хэрэглээнд хяналт тавих 4500 хүнийг найман сарын туршид ажиллуулах урамшуулал” гэж 2.7 тэрбум төгрөг

-НЗДТГ-ын мэдэлд “...Сайжруулсан түлш нөөцлөх, цэгт хүргэх тээвэрлэлтэд дэмжлэг үзүүлэх” хэмээн 511.900.000 /Таван зуун арван нэгэн сая есөн зуун мянга/ төгрөг зэргээр шилжүүлжээ.

Эндээс харахад ажлын хариуцлага хамгийн түрүүнд яригдах ёстой хүн нь “Тавантолгой түлш” ХХК-ийн захирал М.Ганбаатар гэж болохоор байна. Тэрбээр гүйцэтгэх захирлын ажилтай. Компанийн өдөр тутмын үйл ажиллагааг зохион байгуулж, төсөв санхүүг зарцуулдаг.

Бас энэ компанид ТУЗ байдаг. ТУЗ-ийн дарга нь одоогийн НИТХ-ын дарга Ж.Батбаясгалан, гишүүдээр нь О.Одбаяр, Ш.Батсайхан, Л.Гүнбилэг, Н.Дэмбэрэл, С.Зоригт, Ц.Пүрэвхүү, Л.Одхүү нар ажиллаж байв. Он солигдоод юу болсныг бүү мэд. Нэг үгээр хэлбэл, хотын утаа нэмэгдсэнд хариуцлага хүлээх учиртай албан тушаалтнууд үлдчихээд байна.

Нөгөө талаас, төрийн хүнд суртал, авлига, албан тушаалын асуудалтай бараг л дайн зарлаж байгаагаа мэдэгдсэн Ерөнхий сайдын “хариуцлагын жагсаалт”-д хэр олон албан тушаалтан байгаа вэ, хаа хүртэл үргэлжлэх вэ гэдэг анхаарал татаж байна.

Эх сурвалж: “Зууны мэдээ” сонин


Сэтгэгдэл

зочин [202.126.92.99] 2022-02-17 05:11:02

таван толгой түлш ххк ажилтнуудаа яагаад дандаа дарамталж хүчээр худлаа өргөдөлд гарын үсэг зуруулж хагас жил хоолгүй хэвт гэдэг юм бэ? үйлдвэр зогслоо та нар 2сарын 15- 8 сар хүртэл амар гэчээд ахиад 10 сарын дундуур дуудах уу? энэ хугафаанд цалингүй чөлөө өөрөө хүссэн мэтээр өргөдөл бичүүлж авч байж ажлын байрыг чинь хадгална үгүй бол хална гэж сүрдүүлж байгаад сул зогсолтын олговор олгохоос зугтааж байгаа адгийн арга бус уу иргэд өөрсдөө цалингаасаа нийгмийн даатгалдаа төлсөн мөнгөнөөсөө сул зогсолттын олговор авах эрхийг нь давхар хааж боож бгаа хүний эрх хөдөлмөрийн хуулийг ноцтой зөрчих эрхтэй ямар том байгууллага вэ?байгууллагын хөдөлгөгч хүч нь ажилтнууд биш юмуу 2 жил ингэж бна ажилтнуудаа жаахан бодолцмоор юмаа хүн бүр ардаа амьдралтай гэр бүл үр хүүхэдтэй өргүй монгол хүн гэж бна уу

Хр [66.181.161.100] 2022-01-23 02:07:33

8 нэрийн тусгай зөвшөөрлөөр баяжсан шантаажчин гэж сонссон.

Элдэв [202.9.46.183] 2022-01-21 05:53:04

За тэгээл жил болгон хэрэлдэж хэн нэгийг буруутгаж суухаар Атомын цахилгаан станц ганцыг яаж ийгээд л бариач дээ.

Зочин [66.181.165.93] 2022-01-21 02:58:41

zow shuu hudalch nowsh bgaa yumaa

Зочин [117.111.23.126] 2022-01-20 15:49:33

Энэ халтар юу чадах вэ идэж уухаараа алдартай өлөн сда дүүргийн намын дарга болсон байна гэнэ

Зочин [103.26.194.120] 2022-01-20 15:01:38

Энэ хулгайч Хүрэлсүхтэй нийлж хэд хэдэн хувийн шахмал түлшний үйлдвэрийн үйл ажиллагааг зогсоож байсан.

Зочин [192.82.88.50] 2022-01-20 11:48:51

Энэ нөхөр яаж үйлдвэр ажиллуулж чадах вэ дээ. Амьдрал мэдэхгүй. Ёр нь ажилд нухлагдсан туршлагай инжёнёр хүн л хийж чадна даа

Зочин [192.82.88.50] 2022-01-20 11:43:13

Ганбаатараа ямар нэгэн үйлдвэрийг байгуулахад салхины чиглэлийг тооцдог юм. Чи хотын баруун хэсэгт байрлаад байгаа үйлдвэрүүдийг Налайхаас ургаш зүүн урд газарт нүүлгэн шилжүүлэх ажлыг хийлдээ.

Зочин [202.126.88.176] 2022-01-20 11:29:34

Хэдий болтол нүүрстэй зууралдах вэ. Одоо арай дэндэж байна

Зочин [202.126.88.176] 2022-01-20 11:27:32

Салхи ихтэй жилүүд таараад гайгүй байсан юм аа. Гэр хороололруугаа дулаан бохир усны шугам татаа олон хүний хүүхдийн эрүүл мэнд амь насаар тоглож байн хорт хавдар дийлдхээ байлаа

Зочин [66.181.161.67] 2022-01-20 11:18:12

наад ганбаа бандийг халаад шууд 461д хорь

bi [202.126.89.244] 2022-01-20 07:17:26

Ahmad tsunh barigch. Odoo ur shimee hurtej yavaa ni ene

Зочин [202.126.88.202] 2022-01-20 06:55:28

Ганбаад буруу байхгүй Салхины буруу шүү

иргэн [64.119.20.41] 2022-01-20 05:54:47

Та нар өөрдөө хариуцалга алчихаад !!!!!ард түмэнрүү бухахгүй драк аа зайлуул овоо мөнгө хураахаараа ингэдэг эд нар бүгд ажил хэрээнүүд !!!!!!

Дамиран [103.26.194.51] 2022-01-20 06:32:12

энэ хүний сургууль төгссөн дипломыг нэг сонирхоорой бас НЗДТГазар ажиллаж эхэлсэн түүхийг нэг хараарай.Миеээгээ унасны маргааш нь МАН ыайрны гадаа хөл бөмбөгчид цуглуулан жагссаж Хүүкэд нэгдсэнийг нь санаарай...нүүрсний үйлдвэрийн өмнөх ба одоогийн ХОМ ыг нь эдэлж хэрэглэж байгаа автомашин хаусыг ннь бас анзаарай

Зочин [66.181.160.115] 2022-01-20 05:46:01

Энэ Ганбаатараас ч нэг их шалтгаалаагүй байх,ажилдаа нэлээд махрангуй зүтгэдэг нөхөр л харагдаад байдаг юм.Ер нь хүн халж солиод ажилд ахиц өөрчлөлт гарна гэж хэзээч байхгүй,харинч дордох магадлалтай.Учир нь ажилдаа дадлагжаад дасаад юмаа мэдээд ирж байсан хүнээ халчихаар нөгөө айхтар шинэ нөхөр нь ирээд худал үнэн юм хэлээд урьдахаа үгүйсгээд эцэст нь альч гүй юм болгох эрсдэл бий шүү,төр засгийнхан анхаараарай даа.Хамгийн гол нь учир шалтгаан,оношийг нь олоод засах нь чухал шүү дээ.

Ариунболд [202.9.46.183] 2022-01-21 05:50:53

Ганбаатар ажилдаа сайн залуу. Хүн солиод нэмэргүй шдээ.

Иргэн [202.126.89.136] 2022-01-20 05:32:03

Ажил хийсэнн нэгнийг ад үзэж харлуулах нь АНусынхны л явуулгадаа

Зочин [66.181.180.231] 2022-01-20 15:07:31

Бүр Элбэгдорж эрдэнэ сайханбилэг буруутай

Цэдээ [66.181.183.76] 2022-01-20 04:03:49

Mongolын анхны цүнх баригч хүн дээ???

Иргэн [103.10.21.239] 2022-01-20 04:02:00

Энэ хүн хамгийн 1 рт хариуцлага хүлээх ёстой хүн үйлдвэр нь алдаа гарчаад байхад иргэдэд буруугаа чихсэн

Үнэн [103.26.193.201] 2022-01-20 03:34:39

Наад Ганбаатар чинь хамгийн түрүүнд зайлах ёстой хүний нэг. Даанч Хүрэлсүхийн үнэнч суганы үс болхоор Оюулзагна зайлуулаж чадахгүй байгаа юм. Хүрэлсүх дээшээ гарахад хамгийн түрүүнд албан тушаалд томилогддог яаж ч болдоггүй суганы үс дээ!!!

Зочин [59.153.87.209] 2022-01-20 03:34:11

Иргэдээ орон сууцаар хангах, үнэ өртгийг нь шударгаар шийдэж тогтооход ханхаарах хэрэгтэй байна . Түүнээс биш хий хөөрөгдсөн үнэтэй байрыг иргэд авч чадахгүй байна. Жилийн жилд утаа бууруулна гэж асар их мөнгө шамшигдуулах хэрэгггүй

Зочин [66.181.161.78] 2022-01-20 03:08:34

Дарга нь ьэнэг байна уу хамаагүй. Угаасаө айл өрх бүр хуруу хумсаа хугартал хөдөдмөрлөж, боловсрол чадамжаа өсгөхгүй бол энэ хот хэзээ ч өөдлөхгүй.

Зочин [202.126.89.100] 2022-01-20 03:06:49

Утаа чинд УБ хотын зайдууд, ЖН: толгойт өртөөнөөс цааш, ТВ- ийн өндөр антеннаач хойш маш их, бараг л 150-200-м-т юу ч үзэгдэхгүй битүү утаа бн, хотын төврүүгээ багассаар бага болж бн, энэ ерөөсөө шахмал түлш, гэр хороололтой л холбоотой бн, шахмал түлш чинь НО-той байгаа юм бишүү

Иргэн [202.9.46.102] 2022-01-20 02:33:32

Цахилгаанаар халдаг тоноглол айл болгонд аваад өгчихөөр мөнгө олон дарга нарын гараар булт

Зочин [202.126.89.203] 2022-01-22 13:21:31

Эрчим хүчний эх үүсвэр нь дийлэхгүй

irgen [202.9.40.95] 2022-01-20 02:05:43

Zugeer nuursee tuleed.irgedee oron suutsjuulah bsan.Mash ih hurenge urgui zardaliig hen hariutsah uom EK songuulid tur argatsaasan.Odoo bol utaa hezeech arilajgui.Tansag zugaalaga.eersdee avdag ih mungeeree oron suuts.halaalt shiid.


28 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
28 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.